Samfélagsmiðlar

Mesti batinn á íslenska markaðnum

Frá Hofsósi. Sumarið 2019 flugu um 680 þúsund útlendingar frá Keflavíkurflugvelli og vísbendingar eru um að bókanir á ferðum hingað í sumar gangi vel.

Ríflega þriðji hver einstaklingur sem á bókað farmiða til Íslands í júlí og ágúst er á leiðinni frá Bandaríkjunum. Bókanir þaðan eru í dag um átta prósent fleiri en á sama tíma árið 2019.

Heilt yfir er Ísland sá áfangastaður í Evrópu þar sem batinn er mestur þegar horft er til pantanna þessa tvo sumarmánuði í samanburði við bókunarstöðuna á sama tíma árið 2019. Samdrátturinn nemur aðeins sex prósentum en til samanburðar eru bókanir á flugferðum til Suður-Evrópu 22 prósentum færri í dag en þær voru fyrir þremur árum siðan.

Á heimsvísu er Ísland í tíunda sæti yfir þau lönd sem hafa náð mestum bata.

Þegar horft er til eftirspurnar eftir Íslandsferðum frá Evrópu þá koma breski og þýski markaður best út. Bókanir frá Bretlandi eru tveimur prósentum færri í dag en á sama tíma árið 2019. Samdrátturinn í Þýskalandi er þrjú prósent.

Þetta sýna tölur sem greiningafyrirtækið ForwardKeys hefur tekið saman fyrir Túrista.

Þess verður þó að geta að upplýsingarnar byggja á bókunum hjá flugfélögum sem eru meðlimir að IATA, alþjóðasamtökum flugfélaga. Lágfargjaldafélög eins og Easyjet, Play og Wizz Air eru ekki þar innanborðs en eru öll stórtæk í flugi til og frá Keflavíkurflugvelli. Þar með gefur þessi samanburður ekki fullkomna sýn á stöðu mála.

Sem fyrr segir eru bókanir á flugi hingað frá Bandaríkjunum í sumar fleiri en þær voru á sama tíma árið 2019. Í því samhengi má benda á að framboð á Íslandsflugi á vegum bandarísku flugfélaganna Delta og United er meira núna en það var sumarvertíðina fyrir þremur árum síðan. Og líkt og Túristi hefur fjallað um þá hefur sala á flugmiðum United til Íslands, frá bæði Chicago og New York, gengið vel.

Icelandair er hins vegar umsvifamest í flugi milli Íslands og Bandaríkjanna en hluti af farþegum félagsins eru tengifarþegar.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …