Samfélagsmiðlar

Færri Bandaríkjamenn skildu eftir jafnmargar krónur á meðan fleiri Bretar eyddu minna en hvað voru Danir eiginlega að gera?

Það er best að fara varlega í að fullyrða of mikið um hvaða ferðamenn eyða mestu og minnstu.

Ferðamenn við Námaskarð.

Notkun erlendra greiðslukorta hér á landi í maí var í krónum talið jafn mikil og í maí árið 2019 eða um nítján milljarðar króna. Aftur á móti innrituðu fjórtán þúsund færri útlendingar sig í flug frá Keflavíkurflugvelli í síðasta mánuði. Þar með gætum við haldið því fram að hver og einn ferðamaður sem hingað komi eyði meiru en áður.

Það væri hins vegar töluverð einföldun að halda þessu fram.

Það er nefnilega ekki hægt að eigna túristum alla erlenda kortanotkun þó talað sé um „kortaveltu erlendra ferðamanna“ í útgáfu Rannsóknarseturs verslunarinnar. Íslendingar sem nota erlend kort eru meðtaldir og líka útlendingar sem panta vörur í íslenskum netverslunum. Kortanotkun er líka mismunandi útbreidd meðal þjóða og sumir ferðamenn hafa greitt stóran hluta af Íslandsferðinni áður en lagt er í hann.

Kortaveltan er því í raun vísbending um þróun yfir tímabil á sama hátt og tölur yfir erlendra brottfararfarþega á Keflavíkurflugvelli eftir mánuðum eru ekki fullkomnar. Þar eru til að mynda meðtaldir útlendingar búsettir á Íslandi.

Það getur þó verið áhugavert að bera þessar tölur saman.

Skoðum til að mynda nýliðinn maí. Þá flugu frá Keflavíkurflugvelli nærri sex þúsund færri Bandaríkjamenn en í maí 2019. Samdrátturinn milli þessara tveggja mánaða nemur 18 prósentum. Í krónum talið voru bandarísk greiðslukort hins vegar notuð til að greiða fyrir jafnháa upphæð þessa tvo maímánuði eða um 7,1 milljarð króna. Bandaríkjamenn fengu reyndar 4 prósentum meira fyrir dollarana sína núna en í maí 2019.

Kíkjum næst á Bretana. Héðan flugu sjö prósent fleiri Bretar en í maí 2019 en notkun breskra greiðslukorta féll um 36 prósent í krónum talið.

Danir eru annað dæmi um svona þróun. Héðan flugu 44 prósent fleiri Danir en í maí 2019 en engu að síður féll dönsk kortavelta um þrettán prósent. Við bíðum samt með fullyrðinguna um að þeir dönsku og bresku ferðamenn sem hingað komu í maí hafi verið miklu sparsamari en landar þeirra sem voru hér fyrir fjórum árum síðan.

Og því verður ekki heldur haldið fram að þeir Kanadamenn sem hér voru í maí hafi verið einstaklega eyðsluglaðir. Jafnvel þó tölurnar sýni að notkun kanadískra greiðslukorta hafi verið jafn mikil í síðasta mánuði og hún var í maí 2019 þrátt fyrir helmingi færri kanadíska „ferðamenn“.

Það myndi hins vegar veita ágætis innsýn á stöðuna að geta skoðað kortaveltu einstakra þjóða eftir flokkum en gagngrunnur Rannsóknarseturs verslunnar gerir það ekki kleift. Við getum því ekki borið saman kortanotkun þessara 5.800 Dana hér í maí við það sem fjögur þúsund landar þeirra eyddu peningunum sínum í maí 2019.

Nýtt efni

Þegar blaðamaður gengur inn á Dill á Laugavegi 59 um miðjan dag í miðri viku er starfsfólkið að undirbúa kvöldið, útbúa ýmislegt fyrirfram sem fylgir 18 rétta matseðli kvöldsins. Það kostar vinnu og hæfileika að tryggja að gestir njóti þeirrar upplifunar sem þeir vænta með því að bóka borð löngu fyrirfram á þessum íslenska Michelin-stað.  …

„Íbúar þessa lands búa í ósamþykktu atvinnuhúsnæði á meðan ferðafólk gistir í íbúðarhúsnæði,“ sagði Kristrún Frostadóttir, formaður Samfylkingarinnar, í óundirbúinni fyrirspurn á Alþingi í gær. Þar gagnrýndi hún þær reglur sem settar voru í tíð Þórdísar Kolbrúnar Reykfjörð Gylfadóttur í ráðuneyti ferðamála árið 2018. Sagði Kristrún reglurnar gera fyrirtækjum, með fjölda íbúða í skammtímaleigu til …

Ég hitti dræverinn minn við terminalinn í Keflavík. Hann var að koma úr transferi  frá Selfossi. Ég spurði  hvort hann væri á Sprinternum, „Nei ég er á nýja Benzinum  hjá  Ice-eitthvað. En hvað eigum við að taka marga pax spurði hann og eru allir með vácera eða eiga þeir að borga kontant?“  Daman á deskinum …

Nú eru 10 þotur á vegum Play í háloftunum en þær voru sex fyrir ári síðan. Umsvifin hafa því aukist  um meira en helming og í nýliðnum nóvember flutti félagið 107 þúsund farþega. Það er viðbót um 42 prósent frá sama tíma í fyrra. Viðbótin er minni en sem nemur auknu framboði og sætanýtingin var …

Rebecca Yarros er sex barna móðir. Hún þjáist af sjaldgæfum sjúkdómi sem kallast Ehlers-Danlos og hún á erfitt með svefn. Í mörg ár hefur hún vaknað um miðjar nætur og legið andvaka tímunum saman. Á hinum svefnlausu nóttum vandi hún sig á að setjast upp og lesa svokallaðar ástarsögur eða romance á fræðimáli bókaútgefenda. Þegar …

Vefmiðillinn Túristi hóf sitt ferðalag fyrir 14 árum en í dag birtist hann lesendum undir nýju nafni og í breyttum búningi, sem ekki er þó fullskapaður heldur í mótun: FF7 - Frásagnir og fréttir alla daga. Áfram verða ferðamál í öndvegi en leitað fanga víðar, birtar áhugaverðar og skemmtilegar frásagnir af ýmsu tagi og fréttir …

Þórdís Kolbrún Reykfjörð Gylfadóttir

Aðlögunarhæfni er meðal helstu styrkleika ferðaþjónustunnar. Það sýndi hún vel í kórónaveirufaraldrinum og það á örugglega eftir að reyna á þennan eiginleika aftur. Þórdís Kolbrún Reykfjörð Gylfadóttir, fjármála- og efnahagsráðherra, kom inn á þetta í ávarpi sínu á morgunfundi SAF og SA um skattspor ferðaþjónustunnar. Ekki er langt síðan Þórdís Kolbrún gegndi starfi utanríkisráðherra og …

Magnús Árni Skúlason, hagfræðingur, kynnti niðurstöður skýrslu sem Reykjavík Economics vann fyrir SAF um skattspor ferðaþjónustunnar - um það hvert raunverulegt framlag hennar er til samfélagsins. Byggt er á tölum frá 2022 og er meginniðurstaðan sú að skattspor ferðaþjónustunnar hafi verið rúmir 92 milljarðar króna en rúmir 155 milljarðar ef virðisaukaskattur er meðtalinn. Þetta eru …