Samfélagsmiðlar

Sjö af hverjum tíu sætum skipuð farþegum á nýju flugleiðinni

Boeing Max8 þota Icelandair við flugstöðina í Raleigh-Durham.

Icelandair býður upp á áætlunarflug til fjórtán áfangastaða í Norður-Ameríku og allir nema einn hafa áður verið hluti af leiðakerfi félagsins.

Eina viðbótin er Raleigh-Durham í Norður-Karólínufylki Bandaríkjanna en fyrsta ferðin þangað var á dagskrá þann 12. maí. Síðan þá hefur Icelandair flogið til bandaríska flugvallarins fjórum sinnum í viku og samtals nýttu 2.634 farþegar sér þessar ferðir í maí samkvæmt tölum frá flugmálayfirvöldum í Raleigh-Durham.

Það þýðir að 69 prósent sætanna í ferðum Icelandair hafi verið bókuð í maí samkvæmt útreikningum Túrista. Til samanburðar var sætanýtingin í alþjóðaflugi Icelandair í maí 74 prósent.

Icelandair notar minnstu þoturnar sínar, Boeing Max8, í ferðirnar til Raleigh-Durham en í þeim eru aðeins sæti fyrir 160 farþega. Til samanburðar eru 183 sæti í gömlu Boeing 757 þotunum sem hafa verið uppistaðan í flugflota Icelandair síðustu áratugi.

Og þess sjást merki í sumaráætlun Icelandair fyrir næsta ár að stjórnendur félagsins sjá tækifæri til í frekari umsvifum í Norður-Karólínu. Ferðunum til Raleigh-Durham verður nefnilega fjölgað úr fjórum í fimm í viku samkvæmt bókunarvef flugfélagsins.

Fréttin var uppfærð og vegna villu við samlagningu. Í fyrri útgáfu var talað um 92 prósent sætanýtingu en raunin er s.s. 69 prósent nýting. Beðist er velvirðingar á þessari villu.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …