Samfélagsmiðlar

Rukka meira en verðskráin segir til um

Það er ósamræmi í gjaldtökunni hjá Play.

Farþegar sem vilja sitja fremst í þotum Play ættu ekki að þurfa að borga meira en 4.600 krónur aukalega fyrir slíkt. Gjaldið getur þó verið nokkru hærra.

Farþegar á Keflavíkurflugvelli þurfa langflestum tilvikum að borga aukalega fyrir að innrita farangur og velja sér sæti. Hjá Icelandair hefur þessi gjaldtaka verið að aukast umtalsvert síðustu misseri og stjórnendur Play hækkuðu farangurs- og sætagjöldin fljótlega eftir að félagið hóf starfsemi.

Síðan þá hafa þessi gjöld verið óbreytt í Evrópuflugi Play, í það minnsta samkvæmt verðskrá sem félagið birtir á heimasíðu sinni. Þar segir að farþegar borgi í mesta lagi 5.083 krónur fyrir að innrita farangur og aldrei meira en 4.089 krónur fyrir handrangur.

Þessi gjöld geta þó verið töluvert hærri samkvæmt athugun Túrista. Farþegar á leið til Tenerife eru þannig rukkaðir allt að 5.681 kr. fyrir hverja tösku sem 12 prósent yfir hámarksverðinu sem tilgreint er á heimasíðunni. Gjaldið fyrir handfarangur getur farið nærri 500 krónum upp fyrir mörkin.

Og Play rukkar stundum meira fyrir val á sætum en verðskráin segir til um. Farþegi sem vill sitja fremst í vélinni á leiðinni til Alicante þarf að borga 5.130 krónur fyrir slíkt jafnvel þó hámarksverðið ætti í raun að vera 4.600 krónur.

Spurð um skýringar á þessu þá segir Nadine Guðrún Yaghi, samskiptastjóri Play, að það eigi eftir að uppfæra verðskrána í samræmi við verðstýringu flugfélagsins og unnið sé að lagfæringu.

Farþegar Play mega samkvæmt þessu gera ráð fyrir að borga meira fyrir val á sætum og farangur en áður var.

SMELLTU HÉR TIL AÐ GERAST ÁSKRIFANDI

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …