Samfélagsmiðlar

Verkföll ekki ástæða fyrir breytingum á Frakklandsflugi Icelandair

Kröfuganga franskra flugvallarstarfsmanna á Charles de Gaulle flugvelli í gær.

Starfsmenn á Charles de Gaulle flugvelli í París lögðu niður störf í gær og fyrradag og kröfðust kjarabóta vegna aukins álags. Vegna ástandsins þurfti að aflýsa fjórðu hverri flugferð frá þessari stærstu flughöfn Frakklands.

Þessar aðgerðir franskra flugvallarstarfsmanna eru þó ekki ástæða þess að Icelandair felldi niður þrjár af fjórum ferðum sínum til Parísar í gær að sögn Ásdísar Pétursdóttur, upplýsingafulltrúa flugfélagsins. Hún segir að aðlaga hafi þurft flugáætlunina vegna tafa á afhendingu flugvéla úr viðhaldsverkefnum og eins vegna mikilla seinkunnar á afgreiðslu á ákveðnum flugvöllum. Það hafi valdið röskunum sem hafi haft keðjuverkandi áhrif.

„Við höfum því þurft að fella niður einstaka flug en öflug flugáætlun og mikil tíðni á vinsælustu áfangastaði okkar hefur gert okkur kleift að leysa þetta að mestu leyti með því að sameina flug innan dagsins. Aðaláhersla okkar er á að slíkar breytingar hafi sem minnst áhrif á farþega og að koma öllum á sinn áfangastað sem fyrst, helst samdægurs,“ útskýrir Ásdís og bætir við að Parísarflugið sé gott dæmi um þetta því vegna tíðra ferða Icelandair þangað þá sé hægt að koma farþegum í önnur flug.

Auk Icelandair þá bjóða Transavia og Play upp á tíðar ferðir milli Íslands og Parísar. Það fyrrnefnda flýgur frá Orly flugvelli og þar urðu engar tafir vegna ástandsins á Charles de Gaulle. En brottför Play þaðan í gær seinkaði um rúmlega klukkutíma.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …