Samfélagsmiðlar

Bæta við mörg þúsund flugsætum til Keflavíkur í vetur en bíða aðeins lengur með Akureyri

Áform flugfélaganna fyrir veturinn eru að skýrast.

Undir árslok er viðbúið að breskum farþegum fjölgi umtalsvert í Leifsstöð

Yfir vetrarmánuðina eru Bretar fjölmennastir í hópi ferðamanna hér á landi og miðað við framboð á flugi verður engin breyting á því nú í vetur. Áætlunarferðirnar hingað frá Bretlandi verða nefnilega töluvert fleiri en frá Norður-Ameríku og Mið-Evrópu samkvæmt talningum Túrista.

Það er breska lágfargjaldafélagið Easyjet sem er stórtækast í flugi milli Íslands og Bretlands og nú í vetur stefnir félagið á meiri umsvif á Keflavíkurflugvelli en mánuðina fyrir heimsfaraldurinn.

Í desember næstkomandi eru til að mynda 188 brottfarir í sölu frá Bretlandi til Íslands eða um sjö prósent fleiri en í sama mánuði árið 2019. Viðbótin nemur alla vega um tvö þúsund flugsætum í þessum eina mánuði. Í febrúar á næsta ári fjölgar sætunum ennþá meira eða um hátt fjögur þúsund í samanburði við stöðuna í febrúar 2020. Endanlegt sætaframboð ræðst af því hversu stórar flugvélar Easyjet mun nota í ferðirnar hingað en félagið hyggst fljúga hingað frá Bristol, London, Manchester og Edinborg.

Til viðbótar gerir vetrardagskrá Easyjet ráð fyrir áætlunarflugi hingað frá Mílanó á Ítalíu.

Sem fyrr segir er ekkert annað flugfélag jafn stórtækt í flugi milli Íslands og Bretlands yfir vetrarmánuðina og nýverið greindi Fréttablaðið frá athugun Easyjet á flugi til Akureyrar. En samkvæmt því sem Túristi kemst næst þá verður það í fyrsta lagi í lok árs 2023 sem þotur breska félagsins munu setja stefnuna á höfuðstað Norðurlands.

Aftur á móti ætlar Niceair að halda úti áætlunarflugi frá Akureyri til bæði London og Manchester í vetur. Þær ferðir voru reyndar teknar úr sölu eftir að vandræði komu upp varðandi lendingarleyfi í Bretlandi og ennþá er ekki hægt að bóka ferðir með Niceair til breskra borga.

Til viðbótar við ferðir Easyjet til Bretlands frá Keflavíkurflugvelli þá geta farþegar líka valið úr tíðum ferðum til breskra borga hjá British Airways, Icelandair, Play og Wizz Air. Auk þess verður Jet2 með stakar ferðir og eins ferðaskrifstofan Tui.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …