Samfélagsmiðlar

Flugfélögin sem aflýstu flestum ferðum á Keflavíkurflugvelli í júlí

Um tveimur af hverjum hundrað áætlunarferðum til og frá Keflavíkurflugvelli var aflýst í júlí.

Ferðaplön ófárra farþega á Keflavíkurflugvelli hafa riðlast í júlí vegna breytinga á flugáætlunum.

Um helmingur flugmanna SAS fór í verkfall þann 4. júlí og samningar náðust ekki fyrr en tveimur vikum síðar. Á þessu tímabili þurfti þetta stærsta flugfélag Norðurlanda að fella niður stóran hluta af ferðum sínum og þar af 44 til og frá Keflavíkurflugvelli. Það jafngilti 36 prósent af Íslandsflugi SAS í júlí.

Ekkert annað flugfélag aflýsti jafn mörgum áætlunarferðum héðan í júlí en hlutfallslega var Air Greenland stórtækara því félagið felldi niður aðra hverja ferð til Íslands í júlí.

Hjá Icelandair var 0,8 prósent af ferðunum aflýst sem er töluverð framför frá því júní þegar hlutfallið var rúmlega tvöfalt hærra. Þá felldi Icelandair niður 62 ferðir með stuttum fyrirvara en núna nam földinn 25 komum og brottförum.

Play felldi aðeins niður tvær ferðir eða 0,3 prósent af upphaflegri áætlun. Hjá Wizz Air var hlutfallið nærri 4 prósent og 8 prósent hjá Transavia.

Í heildina var 113 áætlunarferðum til og frá Keflavíkurflugvelli aflýst með stuttum fyrirvara í júlí samkvæmt talningu Túrista eða um tveimur prósentum af þeim ferðum sem voru á dagskrá. Í flestum tilfellum ættu farþegar að eiga rétt á bótum þar sem ferðirnar voru felldar niður með minna en tveggja vikna fyrirvara. Þetta á líka við um flug sem aflýst var vegna verkfalla en líkt og Neytendasamtökin hafa bent á þá dugar farþegum að leita beint til flugfélaga eftir þessum skaðabótum í stað þess að setja málið í hendur fyrirtækja sem sérhæfa sig í slíku. Þóknun þeirra getur nefnilega numið um fjórðungi af þeirri fjárhæð sem farþegarnir eiga rétt á.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …