Það voru tuttugu erlend flugfélög sem héldu úti áætlunarflugi til Keflavíkurflugvallar í júlí í samkeppni við Icelandair og Play. Hlutdeild fyrrnefnda hópsins var fjörutíu prósent í febrúar en hefur síðan þá minnkað umtalsvert.
Í júlí stóðu erlendu félögin undir rétt um 26 prósent af umferðinni ef horft er til áætlunarferða. Icelandair var með sextíu prósent hlutdeild og Play fjórtán prósent. Íslensku félögin tvö eru því með nærri þrjár af hverjum fjórum ferðum á meðan tuttugu erlend félög skipta á milli sín fjórðungi.
Þetta er í takt við það sem var í júní en töluvert minna en í ársbyrjun eins og sjá má hér fyrir neðan. Þetta er sambærileg staða við það sem var þegar Wow Air var á hvað mestu flugi nema þá var var vægi Icelandair umtalsvert minni.
Í júlí 2018 var hlutdeild þess félags 43 prósent á meðan Wow Air stóð fyrir 32 af hverjum eitt hundrað brottförum.
