Í heimsfaraldrinum dróst notkun erlendra greiðslukorta skiljanlega mikið saman hér á landi enda fáir ferðamenn á svæðinu. Fyrstu sex mánuðina í fyrra nam erlend kortavelta á veitingastöðum rétt rúmlega tveimur milljörðum króna og var um tíu milljörðum kr. lægri en á fyrri helmingi ársins 2019.
Á sama tíma jókst noktun íslenskra korta aðeins um þrjá milljarða og heildarkortavelta nam því eingöngu 34 milljörðum fyrstu sex mánuðina í fyrra en var rétt rúmlega fjörutíu milljarðar á fyrri helmingi 2018 og 2019.
Í ár hefur hins vegar orðið verulegur viðsnúningur því fyrstu sex mánuðina nam kortavelta 50,5 milljörðum króna samkvæmt gögnum Rannsóknarseturs verslunnar. Þar sést að íslensk kort voru nýtt til að greiða fyrir þrjá fjórðu hluta upphæðarinnar en þau erlendu fyrir fjórðung.
Vægi útlendu kortanna fór aftur á móti upp í 35 prósent í júní síðastliðnum sem er í takt við það sem var yfir háannatímann á árunum fyrir heimsfaraldur enda koma hingað langflestir ferðamenn yfir sumarmánuðina þrjá. Það má því búast við að erlendu kortin hafi vegið ennþá þyngra í júlí og það verði líka raunin í ágúst eins og sjá má á grafinu hér fyrir neðan.
Rauða lína sýnir hver hlutdeild útlendu kortanna var árið 2019 og sú bláa lýsir stöðunni það sem af er þessu ári.
