Samfélagsmiðlar

Skuldirnar um áttatíu milljónir króna á hvert herbergi

Stjórnarformaður Lindarvatns segir að tekjur félagsins muni standa undir skuldbindingum en þær tvöfölduðust milli 2019 og 2021.

NASA salurinn er hluti af hótelbyggingunni sem senn verður tekin í notkun við Austurvöll.

Það tókst ekki að opna nýtt hótel á vegum Icelandairhótelanna við Austurvöll á þessari sumarvertíð eins og upphaflega stóð til. Það er félagið Lindarvatn sem á hótelbyggingunni en Icelandair Group á helminginn í því félagi á móti fjárfestingafélaginu Dalsnesi.

Malasíska samsteypan Berjaya tók ekki yfir helmings hlut flugfélagsins í Lindarvatni þegar rekstur og fasteignir Icelandairhótelanna voru keyptar af Icelandair Group fyrir þremur árum síðan.

Síðan þá hafa skuldir Lindarvatns tvöfaldast og námu þær 12,7 milljörðum króna í lok síðasta árs samkvæmt ársreikningi.

Á hótelinu verða 163 herbergi og skuldastaðan jafngilti þá 78 milljónum á hvert herbergi um síðustu áramót. Samkvæmt því sem Túristi kemst næst er það um 30 til 50 milljónum kr. hærri upphæð en almennt þekkist á hótelum í höfuðborginni. Hið fimm stjörnu Marriott Edition við Hörpu er þó undanskilið.

Helmingur skulda Lindarvatns, 6,2 milljarðar, er við eigendur byggingarinnar og nam krafa Icelandair á Lindarvatn 2,3 milljörðum króna í síðasta ársreikningi félagsins. Til samanburðar þá skilaði Icelandair síðast hagnaði árið 2017 og nam hann þá tæpum fjórum milljörðum króna.

Spurður um skuldastöðu Lindarvatns þá fullyrðir Árni Helgason, stjórnarformaður félagsins, að tekjur þess standi undir skuldbindingunum. Í skriflegu svari til Túrista bætir Árni því við að eigendur byggingarinnar líti á verkefnið sem langtímafjárfestingu og að leigusamningar séu til langs tíma.

Auk Icelandairhótelanna þá leigir Míla aðstöðu í gamla Landsímahúsinu en í fyrra námu leigutekjur Lindarvatns 114 milljónum króna. Gera má ráð fyrir að þar séu á ferðinni leigugreiðslur frá Mílu því ennþá er enginn hótelrekstur í byggingunni sem fyrr segir.

Árni segir þó leigutaka og leigusala vinna náið saman á lokametrunum að opnun hótelsins en hún hafi tafist af ýmsum ástæðum, einkum vegna ytri aðstæðna að hans sögn. Það er þó sérstaklega tekið fram í ársreikningi síðasta árs, sem skrifað var undir í júní sl., að heimsfaraldurinn hafi haft óveruleg áhrif á framkvæmdir.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …