Samfélagsmiðlar

Segir alltof fáa stjórnmálamenn sýna ferðaþjónustunni áhuga

Ferðaþjónustan verður að fá sæti við borðið þar sem stórar ákvarðanir eru teknar, til að mynda í orkumálum. Þetta er mat formanns SAF.

Bjarnheiður Hallsdóttir

Bjarnheiður Hallsdóttir formaður SAF.

„Almennt séð held ég að það sé kominn tími til þess að fólk sem er í stjórnmálum, hvort sem það er á sveitastjórnarstiginu eða á Alþingi setji sig betur inn í þessa grein. Það eru alltof fáir stjórnmálamenn sem hafa sýnt henni áhuga eða sýnt viðleitni til að skilja atvinnugreinina. Því þetta er ekki bóla eða síldarævintýri heldur ein af þessum stoðum sem er komin til að vera,“ sagði Bjarnheiður Hallsdóttir, formaður Samtaka ferðaþjónustunnar, í ávarpi sínu á Ferðaþjónustudeginum sem fram fór í gær.

Bjarnheiður kallaði líka eftir því að ferðaþjónustunni yrði hleypt að borðinu þar sem stórar ákvarðanir í þjóðfélaginu væru teknar.

„Það er kannski eðlilegt að hún hafi ekki verið tekin inn í jöfnuna ennþá, bara 10 til 12 ár síðan ferðaþjónustan fór að skipta einhverju máli. Nú þurfum við hins vegar að horfa til framtíðar og taka hana alltaf með í reikninginn þegar við tökum ákvarðanir á borð við þessar stóru ákvarðanir í orkumálunum.“

Formaður Samtaka ferðaþjónustunnar sagði jafnframt að fyrirsjáanlegt væri að árekstrar yrðu á milli atvinnugreina hvað áform um virkjanir varðar en það þyrfti að ná sátt um nýtingu auðlinda.

„Náttúran er stærsta auðlind ferðaþjónustunnar eitthvað sem við verðum að gæta eins og fjöreggs því án hennar væri ferðaþjónustan ekki að skapa þessi verðmæti sem hún er að gera,“ útskýrði Bjarnheiður.

Hér geta áskrifendur lesið ítarlegt viðtal Túrista við Bjarnheiði þar sem hún kemur meðal annars inn á það hversu erfitt það sé að fá stjórnkerfið til að líta á ferðaþjónustuna sem eina af grunnstoðum atvinnulífsins sem væri mikilvæg við öflun gjaldeyristekna og forsenda hagvaxtar.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …