Samfélagsmiðlar

Stefnir í mun tíðari flugferðir og þar með fleiri ferðamenn

Umsvifin í Íslandsflugi eftir áramót gefa vísbendingu um hversu margir ferðamenn koma til landsins fyrstu mánuði næsta árs.

Farþegar í Leifsstöð.

Þeir sem voru á leið til Íslands á fyrsta fjórðungi þessa árs gátu að jafnaði valið á milli þrjátíu ferða á dag til Keflavíkurflugvallar. Það var rétt um helmingur af framboðinu á sama tíma metárið 2018. Hlutfallslega var samdrátturinn í komum erlendra ferðamanna álíka mikill.

Framboð á flugi á fyrsta fjórðungi næsta árs gefur því ágæta mynd af því sem er í vændum eftir áramót.

Og samkvæmt talningu Túrista þá stefnir í að áætlunarferðirnar, frá Keflavíkurflugvelli, verði að jafnaði 51 á dag í janúar, febrúar og mars næstkomandi. Viðbótin frá sama tíma í ár nemur 68 prósentum en ennþá vantar um 17 prósent af því sem var árið 2018.

Miðað við þær forsendur má gera ráð fyrir að 380 til 410 þúsund erlendir farþegar fari í gegnum vopnaleit Keflavíkurflugvallar fyrstu þrjá mánuði næsta árs. En talningin sem þar fer fram er notuð til að leggja mat á fjölda túrista hér á landi. Á fyrsta fjórðungi áranna 2017 til 2019 voru þeir á bilinu 450 til 480 þúsund talsins þannig að ennþá er nokkuð í land að straumurinn verði álíka og þá var.

Sem fyrr er framboðið eftir áramót mest í flugi milli Íslands og Bretlands enda sækja Bretar í stuttar vetrarferðir til Íslands og eru fjölmennastir í hópi ferðamanna hér á landi á þessum árstíma. Fimm flugfélög munu þá fljúga reglulega hingað frá London og ferðirnar verða líka mjög tíðar frá Manchester.

Á eftir Bretunum koma Bandaríkjamenn en Icelandair og Play sitja ein að ferðunum milli Íslands og Bandaríkjanna í vetur. Það verður ekki fyrr en í lok mars sem Delta tekur upp þráðinn í flugi til Keflavíkur sem er reyndar nokkru fyrr en síðustu tvö ár þegar félagið hefur byrjað vertíðina í maí.

Meðal nýjunga á fyrsta fjórðungi næsta árs er beint flug til Dusseldorf á vegum Eurowings og eins ætlar Austrian að spreyta sig á vetrarflugi hingað frá Vínarborg. Bæði þessi flugfélag heyra undir Lufthansa Group sem hefur að undanförnu bætt í flugið til Íslands. Bæði á vegum Lufthansa en líka með ferðum Edelweiss frá Zurich. Þýskir ferðamenn hér á landi í mars sl. voru til að mynda álíka margir og í mars metárið 2018.

Flestar aðrar þjóðir eiga þó lengra í land og það á sérstaklega við Asíu enda er Kína ennþá að mestu lokað land. Og það munar um minna enda voru um sjö af hverjum 100 ferðamönnum hér á landi í ársbyrjun 2018 með kínverskt vegabréf.

Þess má geta að útbreiðsla ómíkrón afbrigðis kórónaveirunnar hafði töluverð neikvæð áhrif á ferðamannastrauminn í janúar og febrúar í ár. Hvort efnhagsástandið í Evrópu og þá sérstaklega í Bretlandi muni hafa sambærileg áhrif næstu mánuði á eftir að koma í ljós.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …