Samfélagsmiðlar

Telur Norwegian tvöfalt meira virði

Um borð í þotu Norwegian.

Fjárfestar stukku til og keyptu hlutabréf í Norwegian í lok vikunnar eftir að stórbankinn HSBC gaf út nýtt verðmat þar sem hver hlutur í flugfélaginu er sagður virði 14,5 norskra króna. Það er um tvöfalt hærra verð en bréfin kostuðu í byrjun vikunnar og það var því mikil ásókn í hlutabréf Norwegian í kauphöllinni í Ósló á fimmtudag og föstudag og hækkaði verðið um níu af hundraði.

Skýringin á því að HSBC telur bréfin í Norwegian of lágt verðlögð í dag er helstu sú að SAS rær lífróður þessa dagana. SAS er án vafa helsti keppinautur Norwegian á skandinavíska markaðnum en stjórnendur þess reyna nú að fá skjól hjá bandarískum dómstólum til að ráðast í gríðarlega mikla fjárhagslega endurskipulagningu, svokallað Chapter-11 ferli.

Sérfræðingar HSBC telja því Norwegian í kjörstöðu til að ná aukinni hlutdeild á markaði sem stækkar jafnt og þétt. Og skipta þá engu áform Ryanair og Wizz Air um að halsa sér völl í Skandinavíu því skortur á starfsfólki gerir þeim félögum erfitt fyrir.

Hástökkvari vikunnar í flokki norrænna flugfélaga í vikunni var þó ekki Norwegian heldur Flyr. Norski nýliðinn rétti aðeins úr kútnum úr vikunni en bréf félagsins hafa engu að síður fallið um nærri 65 prósent í ár.

Virði Icelandair og Play lækkaði í vikunni eins og sjá má hér fyrir neðan.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …