Samfélagsmiðlar

Ferðafólk streymir til Japans

Óhætt er að segja að ferðafólk hafi tekið vel við sér þegar Japanar afléttu hindrunum á komum fólks til landsins eftir heimsfaraldur. Hálf milljón manna kom til landsins í fyrsta mánuðinum eftir að landið var opnað til fulls að nýju, samkvæmt frétt Reuters.

Götumynd frá Tókýó

Tvöfalt fleiri ferðamenn komu til Japans í október en í september. Fumio Kishida, forsætisráðherra Japans, tilkynnti þann 11. október að landamærin yrðu opnuð að nýju og að vonir væru bundnar við að ferðaþjónustan hleypti nýju lífi í daufan efnahag landsins og styrkti jenið gagnvart öðrum gjaldmiðlum. Gengi jensins hefur ekki verið lægra skráð gagnvart bandaríkjadollar í um aldarþriðjung.

Á þessu ári hefur aðeins ein og hálf milljón erlendra ferðamanna og gesta komið til Japans í samanburði við tæplega 32 milljónir árið 2019. Ríkisstjórnin hafði áætlað að 40 milljónir kæmu 2020, þegar Ólympíuleikar fóru fram fyrir tómum húsum. Nú eru ferðamenn sem sagt að koma hægt og rólega til baka. Hálf milljón kom í október og búist er við enn fleirum á næstu mánuðum.

Ríkisstjórn Japans hefur ákveðið að verja stórum fjárhæðum til að efla ferðþjónustuna að nýju. Starfsfólki fækkaði mjög í heimsfaraldrinum og erfitt hefur reynst að fá það til baka. En ekki er búist við því að ferðaþjónustan nái sér að fullu á strik fyrr en kínversku ferðamennirnir snúa aftur. Níu og hálf milljón kínverskra ferðamanna kom til Japans á metárinu 2019, eða um þriðjungur heildarfjölda ferðafólks í landinu. Enn gildir ferðabann í Kína vegna sóttvarnaráðstafana.

Mikill stígandi hefur hinsvegar verið í bókunum á Japansferðum meðal annarra asískra ferðamanna en Kínverja. Þar munar mest um ferðamenn frá Suður-Kóreu, Tævan, Hong Kong og Singapúr. Þetta fólk eygir ekki síst tækifæri á að nýta sér lágt gengi jensins.

Japanskar hafnir verða opnaðar fyrir komum skemmtiferðaskipa í mars næstkomandi og eru þegar bókaðar komur 166 skipa.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …