Samfélagsmiðlar

Gæti rafmagnsleysi spillt fríinu?

Bretar hafa áhyggjur af afleiðingum orkukreppunnar í vetur. Á mestu álagstímum gæti þurft að skammta rafmagn. Það er farið að bera á fyrirspurnum um hvort það sé óhætt fyrir ferðamanninn að heimsækja London á þessum óvissutímum.

london Jethro Stebbings

Það eru þrjú tímabil, 30 mínútur í senn, á milli klukkan hálffimm og sex síðdegis frá nóvember til febrúar sem reyna mest á kerfið í Bretlandi og orkudreifingarfyrirtækið National Grid verðleggur sérstaklega vegna mikillar eftirspurnar. Nú veltir fólk fyrir sér hvort grípa þurfi til rafmagnsskömmtunar á þessum mestu álagstímum um háveturinn.

Ferðablaðamaðurinn kunni Simon Calder veltir þessu fyrir sér í dálki sínum í The Independent og hvort skömmtunin gæti komið niður á ferðafólki á hótelum, veitingahúsum, söfnum eða í samgöngukerfinu. Hann hefur eftir National Grid að ólíklegt sé að straumur verði tekinn af vegna skömmtunar en ef allt fari á versta veg gæti það gerst á fyrirfram tilgreindum tímum síðdegis. 

Þetta dugar Símoni til vangaveltna. Hann sér fyrir sér myrkvaða miðborg Lundúna og hvernig ferðafólk gæti upplifað það. Vissulega hafi stóru hótelin varaafl en skömmtunin gæti truflað síðdegisteið og lystaukana, líka netsamband, sjónvarpsgláp og lyftuferðir. Veitingaþjónustan yrði síðan undir miklu álagi klukkan sjö þegar rafmagn kæmi á að nýju við að seðja hungraða gestina. Sama væri að segja um Lundúnaleikhúsin víðfrægu. Hugsanlega gætu leikarar þraukað í myrkrinu ef þeir gætu treyst því að ljósin féllu á þá klukkan sjö. Líklega myndu söfnin smala öllum gestum út fyrir þrjú og einhver vandræði yrðu í samgöngukerfinu. Aðeins dísilknúnu lestirnar og vagnarnir myndu ganga nema að lestakerfið fengi að halda rafmagni eins og sjúkrahúsin og aðrar slíkar mikilvægar stofnanir samfélagsins. 

Nú rifja fullorðnir Bretar upp ástandið á áttunda áratugnum þegar rafmagn var skammtað vegna verkfalla kolunámumanna. Vinnuvikan var stytt niður í þrjá daga. Fjóra daga vikunnar urðu íbúar Lundúna að láta kertin duga. Söfnin voru hreinlega lokuð. Þó allt fari á versta veg nú í vetur er hæpið að ástandið verði jafn slæmt og á áttunda áratugnum: Rafmagnsskerðingar verði skemmri og fólk fái góðan fyrirvara til að bregðast við. 

Simon Calder lætur sér ekki leiðast, nefnir Kúbu í þessu sambandi. Allir sem hafi farið þangað síðustu þrjá áratugina hafi upplifað tafarlausa myrkvun sem íbúarnir kipptu sér ekki upp við. Símon segir svo: Eins og Kúbverjar, þá þörfnumst við allra þeirra túrista sem við getum sannfært um að koma til Bretlands. Túristarnir komast næst því í efnahag okkar að vera töfratré sem peningar vaxa á. Með því að styðja söfnin okkar, veitingahúsin og hótelin, tryggja erlendu túristarnir að við heimafólkið njótum fjölþættari lífsgæða en ella.

Hann vísar til fyrirspurnar áhyggjufullrar konu um hvort óhætt sé að heimsækja Lundúni í vetur og segist vona að hún láti verða af heimsókninni en það boði hinsvegar ekki gott fyrir ferðaþjónustuna í vetur að hún telji sig þurfa að spyrja. 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …