Samfélagsmiðlar

Icelandair frestar áformum um flug milli Akureyrar og Keflavíkurflugvallar

Forráðamenn Icelandair hafa ákveðið að fresta til vorsins 2024 að hefja áætlunarflug milli Akureyrar og Keflavíkurflugvallar. Tómas Ingason, framkvæmdastjóri leiðakerfis og sölu, segir verkefnið hafa verið flóknara en búist var við.

Tómas Ingason

Tómas Ingason, framkvæmdastjóri leiðakerfis og sölu Icelandair

„Við viljum ná betri tökum á ýmsum verkefnum í innanlandsfluginu áður en við víkkum starfsemina út. Það er býsna flókið að setja upp nauðsynlega starfsemi á Akureyri. Við viljum undirbúa þetta vel. Aðfangakeðjur eru flóknari en fyrir heimsfaraldur og við þurfum að taka mið af því.“

Fyrirhugaður komusalur millilandaflugs á Akureyrarflugvelli – MYND: ÓJ

Er þessi ákvörðun tekin vegna vandræða með flugvélar eða eru einhverjar sérstakar hindranir á flugvöllunum á Akureyri og í Keflavík?

„Nei, við tökum þessa ákvörðun út frá heildarmyndinni. Við stöndum frammi fyrir ýmsum flóknum verkefnum og vildum undirbúa þetta betur áður en við færum af stað. Gera þetta vel frá upphafi. Við finnum til ábyrgðar gagnvart innanlandsfluginu og viljum koma því vel á laggir áður en við hefjum flug milli Akureyrar og Keflavíkurflugvallar, sem er mun flóknara verkefni.

Við erum eftir sem áður mjög spennt fyrir þessari tengingu. Teljum að í henni felist mikil tækifæri, bæði fyrir íbúana fyrir norðan, sem geti vaknað á svipuðum tíma og höfuðborgarbúar til að komast í flug frá Keflavík, en það er ekki síður ábyrgðarhluti að dreifa ferðafólki betur um landið. Við teljum að þetta fyrirhugaða flug verði mikilvægt í því sambandi.“

Það er viðbúið að þessi seinkun valdi vonbrigðum á Norðurlandi.

„Já, það má búast við því. Eftir sem áður eru góðar tengingar í gegnum Reykjavíkurflugvöll. Með samþættingu á flugi Icelandair og innanlandsflugi Air Iceland Connect bauðst fólki að kaupa einn flugmiða út í heim. Við ábyrgjumst þannig ferðalagið í heild.“

Keflavíkurflugvöllur – MYND: ÓJ

En ferðalagið verður óneitanlega tímafrekara með því að innanlandsflugvélar lendi í Reykjavík en ekki í Keflavík.

„Jú, og þess vegna erum við spennt að geta boðið þennan nýja möguleika vorið 2024.“

Þið eruð sem sagt ekki hætt við.

„Nei, alls ekki.“

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …