Samfélagsmiðlar

Danir fagna ferðafólki

Átta af hverjum tíu Dönum eru hlynntir ferðaþjónustu í landinu og fagna ferðafólki í nærumhverfi sínu. Þetta eru niðurstöður könnunar sem Epinion gerði fyrir Ferðamálaráð Danmerkur.

Sýki í Kristjánshöfn í Kaupmannahörn

Í Kristjánshöfn

Ferðafólkið snéri aftur til Danmerkur eftir tveggja ára fjarveru í kórónafaraldrinum og heimamenn kætast vegna þess að gestirnir hafa góð áhrif á efnahaginn, auka framboð í verslun og veitingarekstri, fjölga tækifærum til að njóta menningarlífs og afþreyingar í náttúrunni. 

Sumardagur við Sjálandsströnd – MYND: ÓJ

Þetta eru niðurstöður könnunar sem Epinion gerði fyrir Ferðamálaráð Danmerkur (VisitDenmark) meðal nærri sex þúsund Dana. Nærri átta af hverjum tíu (79%) telja að ferðaþjónustan hafi fremur jákvæðar en neikvæðar afleiðingar fyrir Danmörku. 

„Danmörk er mikið ferðamannaland, dregur til sín fleiri erlenda gesti en nágrannalöndin Svíþjóð og Noregur samanlagt, og ferðaþjónustan vegur þungt í landsframleiðslunni. Þess vegna er mikilvægt að Danir styðji ferðaþjónustuna, eins og kemur í ljós í þessari könnun,” segir Jan Olsen, forstjóri Ferðamálaráðsins, og bætir við: „Danir kunna vel að meta heimsóknir ferðamanna. Þeim fylgir líf og fjör – og svo örva þeir verslun og viðskipti á stöðum sem þeir heimsækja. Þau sem búa á vinsælustu ferðamannastöðunum sjá kostina við ferðaþjónustuna.”

Á Ráðhústorgi – MYND: ÓJ

Könnunin leiðir í ljós að 59 prósent Dana telja að nærumhverfi þeirra mótist af ferðaþjónustu og það leiðir til jákvæðra viðhorfa gagnvart ferðaþjónustu. Á þessum svæðum þar sem ferðaþjónustan er umsvifamest telja 82 prósent að hún hafi fleiri kosti en galla. 

„Víða í landinu stuðlar ferðaþjónustan að þróun og vexti. Þetta á bæði við um borgirnar og strandsvæðin, þar sem ferðaþjónustan hefur orðið til þess að verslunum, veitingahúsum og afþreyingarmöguleikum hefur fjögað. Það er ákveðin jafnvægislist að fá sjá til þess að ferðamenn upplifi staðarmenningu á sama tíma og íbúarnir sjálfir hafi áfram rými til að sinna sínum daglegu þörfum. Könnunin leiðir í ljós að þessi sambúð íbúa og ferðamanna gengur vel á heildina litið,” segir Jan Olsen í tilkynningu frá Danska feramálaráðinu. 

kaupmannahofn ferdamadur Morten Jerichau
Ferðamaður við Amalíuborg

Þó að Danir séu almennt jákvæðir í garð ferðaþjónustunnar á það ekki við um allar greinar hennar. Aðeins 36 prósent aðspurðra í könnuninni meta kostina umfram gallana við komur skemmtiferðaskipa til landsins. Kaupmannahöfn er vinsæll viðkomustaður skemmtiferðaskipa. Aðeins 16 prósent telja að þau hafi jákvæðar afleiðingar fyrir landið. Tæplega helmingur aðspurðra  tekur ekki beina afstöðu. Lítill hluti aðspurðra telur að skemmtiferðaskipin hafi neikvæð áhrif á umhverfi og náttúru um leið og þau þrengi að möguleikum fólks og fara um óhindrað. 

Um þetta segir Jan Olsen: „Sjálfbærni er mikilvæg í þróun ferðaþjónustunnar. Þetta á líka við um skemmtiferðaskipin. Unnið er að því að draga úr mengun frá skipinum. Þá er leitast við að dreifa ferðamönnum betur til að koma í veg fyrir átroðning, t.d. með því að laða þá til landsins utan háannatímans. Við þurfum að vinna áfram að þessum þáttum til að viðhalda stuðningi Dana við ferðaþjónustuna.” 

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …