Samfélagsmiðlar

Verða að gefa frá sér flugið til Montreal næsta sumar

Umsvif Icelandair í Kanada verða áfram töluvert minni en þau voru fyrir heimsfaraldur.

Horft yfir Montreal.

Þegar kapphlaupið milli Icelandair og Wow Air var að hefjast fyrir alvöru þá hófu félögin bæði flug til kanadísku borgarinnar Montreal. Þetta var sumarið 2016 og þá hafði það ekki áður gerst að tvö íslensk flugfélög færu í jómfrúarferð til sömu borgarinnar á sama tíma.

Áformin voru þó ólík, Icelandair lét duga að fljúga til hinnar frönskumælandi borgar yfir sumarið á meðan Wow Air hélt úti ferðum þangað allt árið um kring. Íslensku flugfélögin fengu svo samkeppni frá Air Canada sumarið eftir en þetta stærsta flugfélag Kanada hefur flogið hingað daglega yfir sumarmánuðina en ferðirnar skiptar milli Toronto og Montreal.

Og nú stefnir í að Air Canada verði eitt um flugið milli Íslands og frönskumælandi hluta Kanada næsta sumar því borgina er ekki að finna á sumaráætlun Icelandair. Skýringin á því er sú að flugfélagið fékk ekki þá afgreiðslutíma á Montréal-Trudeau sem félagið hefur haft fram til þessa en vegna framkvæmda við flugvöllinn þá verður umferðin um hann takmörkuð á næsta ári.

Umsvif Icelandair í Kanada eru ennþá mun minni en þau voru á árunum fyrir heimsfaraldur. Þá flaug félagið ekki bara til Montreal heldur líka til Toronto, Edmonton, Halifax og Vancouver. Á næsta ári er eingöngu gert ráð fyrir ferðum til Toronto og Vancouver hjá Icelandair.

Líkt og Túristi hefur áður greint frá þá hefur Play fengið leyfi fyrir áætlunarflugi til Kanada en félagið hefur ennþá ekki gefið út hvaða áfangastaður verður fyrir valinu. En miðað við stöðu Icelandair í Montreal þá má gera ráð fyrir að það verði erfitt fyrir Play að komast þar að því félagið sendir sínar þotur vestur um haf rétt á undan Icelandair seinni part dags.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …