Samfélagsmiðlar

Rússar streyma til Tælands

Rússar voru meðal mikilvægustu ferðamanna á Tælandi fyrir heimsfaraldur - og eru enn þrátt fyrir að árásarstríð þeirra í Úkraínu hafi lokað mörgum dyrum. Tælendingar búast við einni milljón ferðamanna frá Rússlandi á nýhöfnu ári.

Phuket

Frá Phuket-eyju

Tæland er meðal vinsælustu ferðamannalanda í Asíu og efnahagur landsins treystir mjög á tekjurnar sem ferðaþjónustan skilar. Kórónaveirufaraldurinn var gríðarlegt áfall en í júlí á síðasta ári var öllum hindrunum fyrir endurkomum ferðamanna rutt úr vegi. Fylgt hafði verið mjög strangri stefnu til að hindra útbreiðslu sjúkdómsins. 

Fyrst eftir að innrásina í Úkraínu gátu rússneskir borgarar valsað um önnur Evrópulönd sem ferðamenn, eins og ekkert hefði í skorist. Síðan var sett á flugbann, hafnbann og ýmsum áhrifamönnum og auðjöfrum synjað um vegabréfsáritanir. Evrópusambandið ákvað síðan síðsumars að gera öllum rússneskum borgurum enn erfiðara og dýrara að fá vegabréfsáritanir. Margar Evrópusambandsþjóðirnar vildu raunar hreinlega loka á Rússana en samstaða náðist ekki um það. Efnaðir Rússar láta þó ekki staðar numið þó nágrannar í Evrópu vilji ekki sjá þá. Það er hægt að fara annað.

Bangkok
Bangkok – Mynd: Unsplash

Ferðavefurinn Skift hefur fjallað um mikilvægi rússneskra ferðamanna fyrir tælenska ferðaþjónustu. Rússar hafa verið og eru enn mikilvægir fyrir tælenska ferðaþjónustu. Nú streyma Rússarnir á sólbakaðar strendur Tælands, sérstaklega til Phuket-eyjar, flýja kaldan veturinn og leiðindin sem stríðinu fylgja heima fyrir. 

Rússarnir kunna vel við sig á Tælandi. Um ein og hálf milljón rússneskra ferðamanna heimsótti Tæland árið 2019, voru í sjöunda sæti á gestalista Tælendinga. Þegar rýnt er í tölur um komur ferðamanna til Tælands á síðustu mánuður ársins 2022 sést að Rússum hefur fjölgað hlutfallslega meira en öðrum þjóðum. Í nóvember síðastliðnum komu 109 þúsund Rússar til Tælands, aðeins ferðamenn frá Malæsíu og Indlandi voru fleiri. Þetta er um 60 prósenta endurheimt rússneskra ferðamanna frá sama mánuði 2019.

Flugvél Aeroflot – Mynd: Unsplash

Rússneskir ferðamenn dvelja að jafnaði lengur en aðrir í Tælandi, oftast viku til 10 daga, en margir hinir efnameiri dvelji í þrjá mánuði, jafnvel lengur – eða þar til vorar í heimalandinu. Um fjórðungur allra rússnesku ferðamannanna kýs að dvelja á Phuket-eyju. Nærri 168 þúsund Rússar komu til eyjarinnar í nóvember og desember.

Flogið er beint frá Moskvu, Novosibirsk og Vladivostok til Bangkok, Pattaya og Phuket. Um miðjan nóvember tilkynnti Aeroflot að flogið yrði 14 sinnum í viku til Phuket.

Ferðamálayfirvöld á Tælandi gera ráð fyrir að yfir ein milljón rússneskra ferðamanna komi til landsins á þessu ári. 

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …