Það voru 102 þúsund ferðamenn hér á landi í apríl í fyrra en í síðasta mánuði fóru 127 þúsund útlendingar í gegnum vopnaleitina í Leifsstöð. Talningin þar er notuð til að meta fjölda ferðamanna hér á landi.
Í þessum hópi voru 38 þúsund Bandaríkjamenn og 24 þúsund Bretar.
Annar hver útlendingur (49%) sem flaug frá Keflavíkurflugvelli í síðasta mánuði var því annað hvort breskur eða bandarískur. Svo hátt var hlutfall þessara þjóða ekki í ferðamannahópnum á árunum yfir heimsfaraldur.
Í apríl 2019 var vægi Bandaríkjamanna og Breta 35 prósent, 41 prósent árið á undan og 44 prósent árið 2017. Aukningin skrifast á bæða þjóðir eins og sjá má hér fyrir neðan.
Fyrstu fjóra mánuði ársins er hlutfallið það sama því 49 prósent ferðamanna var með breskt eða bandarískt vegabréf. Hlutfallið var 46 prósent fyrstu fjóra mánuðina metárið 2018.
Á eftir Bretum og Bandaríkjamönnum þá voru Pólverjar þriðja fjölmennasta þjóðin í hópi ferðamanna í síðasta mánuði en í því samhengi ber að nefna að útlendingar búsettir hér á landi eru meðtaldir. Í næstu sætum komu Þjóðverjar og Frakkar.
Áfram miklu fleiri Ítalir
Allt árið í fyrra komu hingað mun fleiri Hollendingar og Ítalir en nokkurn tíma áður. Nú fækkar aftur á móti hollensku ferðamönnunum í samanburði við metárið 2018 en Íslandsferðir frá Ítalíu er ennþá í sókn. Í apríl voru ítölsku ferðamennirnir 4.518 en eða tvöfalt fleiri en á sama tíma fyrir fimm árum síðan.
