Samfélagsmiðlar

Japanskur efnahagur lifnar við

Efnahagslífið í Japan hefur tekið betur við sér eftir heimsfaraldur en spáð hafði verið. Aukin neysla heima fyrir vegur upp á móti minni erlendri eftirspurn og gefur vonir um mjög hægan en öruggan efnahagsbata.

Klæðaverslun í Tókýó

Heimsfaraldurinn hægði verulega á hjólum efnahagslífsins í Japan eins og annars staðar. Harðar sóttvarnaraðgerðir lömuðu ferðaþjónustuna og mjög dró úr verslun og viðskiptum. Japanska hagkerfið er mjög háð útflutningi og hefur minnkandi eftirspurn frá Bandaríkjunum, Evrópu og Kína aukið óvissu um það hvenær seðlabanki landsins getur dregið úr sínum aðgerðum til að örva efnahagslífið.

Kaupmaður í verslun sinni í Tókýó – MYND: ÓJ

„Efnahagsvöxturinn mun áfram byggjast á neyslu. Þar hjálpar til að fólk eyðir meiru í ferðalög og þjónustu eftir því sem hindranir vegna Covid-19 hverfa,“ hefur Reuters-fréttastofan eftir japönskum hagfræðingi, sem bendir þó á að efnahagsbatinn verði hægur vegna lítillar spurnar erlendis eftir japanskri framleiðslu.

Verslun með hnífa og skæri – MYND: ÓJ

Japan er þriðja stærsta hagkerfi heims og mældist efnahagsvöxturinn 1,6 prósent á fyrsta fjórðungi ársins, samkvæmt opinberum tölum. Þetta er miklu meiri bati en markaðurinn hafði spáð – og fyrsti vaxtarkippurinn sem sést hefur frá miðju síðasta ári. Mestu munar um aukna neyslu Japana sjálfra en innanlandsneyslan vegur rúman helming af heildarumsvifum í efnahagslífi landsins. Á sama tíma dró úr erlendri eftirspurn um 4,2 prósent og er það í fyrsta skipti frá 2021 að það gerist. Ekki eru horfur á að mikil breyting verði á því á næstunni. Alþjóðlega efnahagskreppan heldur áfram. Neytendur víða um heim halda lengur í gamla bílinn, sleppa því að endurnýja eldhúsgræjurnar, sjónvarpið eða leikjatölvuna. Og þó að innanlandsneyslan í Japan hafi tekið kipp þá eru neytendur þar eins og annars staðar að takast á við hækkað verð á eldsneyti og matvælum. Japanar búast því ekki við þenslu og efnahagslegum uppgangi alveg á næstunni. 

Heimamaður kaupir sér snarl – MYND: ÓJ

Japönsk ferðaþjónusta hefur enn ekki jafnað sig eftir heimsfaraldurinn. Innan við 250 þúsund ferðamenn komu til landsins 2021 og tæpar 4 milljónir í fyrra. Um 1,5 milljónir komu til landsins í janúar síðastliðinn, sem var aðeins um helmingur af þeim fjölda sem kom metárið 2019. Ferðafólki hefur hægt og bítandi fjölgað í Japan það sem af er ári en þó er ekki búist við að þeir verði nema um 20 milljónir í heildina, sem er aðeins helmingurinn af þeim fjölda sem heimsótti landið 2019. Hafa stjórnvöld í Japan gripið til fjölþættra aðgerða til að styðja við endurreisn ferðaþjónustunnar í landinu.

Verslun með hefðbundinn klæðnað – MYND: ÓJ

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …