Dagur B. Eggertsson, borgarstjóri lýsir ánægju með hversu vel þeir innviðir sem byggðir hafa verið upp í miðborginni á síðustu árum nýttust á leiðtogafundi Evrópuráðsins.
Af Facebook-siðu Dags B. Eggertssonar, borgarstjóra
„Mjög stoltur af frammistöðu starfsfólks borgarinnar í tengslum við Reykjavíkurfundinn liðna viku. Skila hér með þökkum til þeirra frá skipuleggjendum og alþjóðlegum gestum!“ segir Dagur á Facebook-síðu sinni.
Hann bendir á hið augljósa – að bygging Hörpu hafi verið forsenda þess að Íslendingar geti haldið fundi og ráðstefnur af því tagi sem Evrópuráðsfundurinn var. Síðan dregur borgarstjóri athygli að uppbyggingu hótela í miðborginni og hvernig hún hafi nýst:
„Færri átta sig hins vegar á því að allir leiðtogarnir gistu á hótelum sem voru alls ekki til fyrir aðeins þremur árum síðan. Uppbygging innviða borgarinnar til að halda viðburði af öllu tagi og bjóða gistingu í auðveldu göngufæri hefur einfaldlega tekið byltingarkenndum stakkaskiptum á örfáum árum.“
MYND: ÓJ