Samfélagsmiðlar

Sérfræðingum í ferðaþjónustu fækkað í ráðuneytinu

Ferðamenn á Seyðisfirði í síðustu viku.

Það var árið 2017 sem sérstök skrifstofa ferðamála var sett á fót innan stjórnarráðsins og þá í atvinnuvega- og nýsköpunarráðuneytinu. Þá voru starfsmennirnir fimm en reiknað var með að þeim yrði „fjölgað um einn til tvo til að styrkja starfið enn frekar“ eins og sagði í tilkynningu.

Skipulag stjórnarráðsins var stokkað upp í byrjun yfirstandandi kjörtímabils og ferðamálin fluttust þá yfir í menningar- og viðskiptaráðuneytið sem Lilja Dögg Alfreðsdóttir fer fyrir. Þegar þarna var komið við sögu voru sérfræðingarnir á sviðinu fimm talsins auk skrifstofustjóra.

Í dag eru ferðamálin ekki lengur sjálfstætt svið innan ráðuneytisins og heyra undir skrifstofu viðskipta og ferðamála. Þar eru aðeins tveir sérfræðingar sem einbeita sér að ferðaþjónustu. Sá þriðji er farinn í tímabundin vistaskipti og stendur til að ráða í þá stöðu samkvæmt upplýsingum frá ráðuneytinu.

Til samanburðar eru níu sérfræðingar á sviði sjávarútvegs í matvælaráðuneytinu og þeir eru jafnmargir sem sérhæfa sig í landbúnaði í því ráðuneyti.

Þegar spurt er ástæður fækkunar sérfræðinga á sviði ferðamála þá segir í svari menningar- og viðskiptaráðuneytis að tveir af þeim sex sem unnu á skrifstofunni í atvinnuvegaráðuneytinu hafi aðeins verið ráðnir tímabundið frá Stjórnstöð ferðamála í tengslum við vinnu við Vegvísi í ferðþjónustu. Í svarinu er því bætt við að starfsmenn á skrifstofu verðmætasköpunar sinni ferðamálunum að hluta til.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …