Samfélagsmiðlar

Ókeypis skemmtun fyrir staurblanka í Makaó

Íslenskt viðskiptafólk sem vitja þarf fasteigna sinna í Makaó getur gert sér dagamun þar fyrir lítið. Hér listi yfir alls kyns dægradvöl sem kostar ekki krónu í þessari fyrrum portúgölsku nýlendu þar sem næstum allt snýst um peninga.

Makaó hefur verið töluvert í fréttum hér á landi undanfarið ár vegna misheppnaðra fjárfestinga íslenskra auðmanna í þessu kínverska sjálfstjórnarhéraði.

Vegna þessara umsvifa er ekki ólíklegt að skiptastjórar eða bankamenn þurfi að leggja leið sína til Makaó á næstunni. Túristi léttir hér með undir með þessum hópi og birtir lista The Lonely planet yfir þá hluti sem hægt er að gera í Makaó án þess að þurfa að taka upp veskið.

  1. The Bubble – Inní þessari hvelfingu er sett á svið mikið sjónarspil þar sem laserar, ljós og eldar eru notaðir til að segja söguna af Fjársjóði drekans. Sýningin er daglegt brauð og það er ókeypis inn.
  2. Í Makaó er hægt að taka leigubíla og strætó sem hvoru tveggja kostar ekki mikið. Þeir hagsýnustu taka hins vegar strætisvagnana sem spilavítin borga undir viðskiptavini sína. Bílstjórarnir kíkja víst aldrei á miðana og því er ekkert mál að stelast til að nota vagnanna þó maður hafi ekkert lagt undir í spilavítunum.
  3. Maturinn í Makaó er víst vel heppnuð blanda af portúgölskum og kínverskum réttum. Þeir sem vilja hins vegar ekki borga fyrir veitingarnar geta þegið smakk af sölubásum sem liggja frá Senado torginu og í átt að Sankti Páls dómkirkjunni.  
  4. Miðborg Makaó er talin til heimsmynja og þar geta gestir skoðað rústir kirkna, hofa og virkja fyrir ekki neitt.
  5. Nýlenduþorpið er minnisvarði um lífið í Makaó fyrr á öldum. Það kostar reyndar smávegis að komast þangað með strætó en hins vegar kostar ekkert inn á svæði.

Þeir sem vilja heldur slá um sig í Makaó ættu að leggja leið sína í stærsta spilavíti heims, The Venetian og freista gæfunnar.

NÝTT: Gott kaffi í Gautaborg

 

Bookmark and Share

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …