Samfélagsmiðlar

Aukin ferðagleði í kjölfar taps á HM

Ferðaskrifstofur í Englandi þéna aukalega eina milljón punda á dag vegna lélegs árangurs enska landsliðsins á HM að mati dagblaðsins Telegraph.

Ferðagleði Englendinga var í sumarbyrjun í algjöru lágmarki, meðal annars vegna verkfalla hjá British Airways og ástandsins sem askan úr Eyjafjallajökli olli. En nú er stemmningin önnur og er ástæðan helst rakin til ófaranna á HM. Forsvarsmenn þeirra ferðaskrifstofa, flugfélaga og netbókunarfyrirtækja sem rætt er við í frétt blaðsins eru nefnilega allir sammála um að áhugi fólks á að komast í frí til útlanda hafi stóraukist sama dag og Englendingar féllu úr leik. Það sýna meðal annars tölur um heimsóknarfjölda á heimasíður þessara fyrirtækja. En dæmi eru um að þeim hafi fjölgað um allt að helming í síðustu viku samanborði við vikuna þar á undan þegar Englendingar voru ennþá með á mótinu.

Styrking breska pundsins í samanburði við evruna að undanförnu er líka talin hafa haft jákvæð áhrif á eftirspurnina.

Það eru helst ferðalög í sólina í S-Evrópu sem heilla stuðningsmenn enska landsliðsins samkvæmt frétti Telegraph. 

NÝJAR GREINAR: Góðar nektarstrendur við MiðjarðarhafiðMenn drekka og konur stunda kynlíf í fríinu

Mynd: Wikicommons

 

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …