Samfélagsmiðlar

Ódýr gisting við Oxfordstræti

Þeir sem vilja heldur láta kaupmenn en hótelstjóra fá gjaldeyrinn sinn í London bóka herbergi á gistiheimili rétt við Oxford Street.

Í stuttu stoppi í stórborg eins og London velja klókir ferðalangar sér hótel á því svæði þar sem reikna má með að mestum tíma verði varið. Og ef það eru stórverslanir með rúllustigum sem lokka þá er ekki galið að gista í námunda við Oxfordstræti. Í tíu mínútna göngufæri frá þessari risavöxnu verslunargötu er að finna eitt af mýmörgum gistiheimilum YHA í Bretlandi. Þar getur vísitölufjölskylda komið sér fyrir í eigin herbergi fyrir rúm fimmtíu pund og fjórir fullorðnir fá herbergi með fjórum rúmum fyrir sjötíu pund. Þeir sem gera hins vegar litlar sem engar kröfur um næði fyrir öðrum hótelgestum geta hallað sér í koju fyrir 20 pund.

Verðið á YHA ræðst af eftirspurn og því er ekki öruggt að þessi lágu verð séu alltaf í boði. Þeir sem ekki eru meðlimir hjá YHA þurfa líka að greiða nokkur aukapund fyrir húsaskjólið og handklæðin (3,5pund). Baðherbergin eru fram á gangi.

LESTU LÍKA: Lággjaldahótel í London

Íslenskir túristar sem sjá fram á langa daga í mátunarklefum H&M og Selfridges ættu því að kanna úrvalið og verðin hjá YHA áður en lengra er haldið. Það er nefnilega gerður góður rómur að YHA á síðum eins og Tripadvisor. Sérstaklega eru fyrrum gestir gistiheimilisins ánægðir með staðsetninguna og hversu snyrtilegt er þar um að lítast.

SMELLTU HÉR TIL AÐ GERA VERÐSAMANBURÐ Á GISTINGU Í LONDON

TENGDAR GREINAR: Úthugsuð Lundúnarhótel á góðu verði
TILBOÐ:
Gistiheimili og íbúðarhótel í London frá 99 pundum

 

Mynd: YHA
Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …