Samfélagsmiðlar

Netsamband í þriðju hverri farþegavél

Flugfarþegar vestanhafs geta víða stytt sér stundir í háloftunum með því að fara á netið. Í Evrópu verður SAS flugfélagið fyrst til að bjóða upp á nettengingu á meðan keppinautarnir bíða átekta, þar á meðal íslensku félögin.

Það er boðið upp á þráðlaust netsamband í rúmlega þúsund farþegavélum í Bandaríkjunum, eða þriðjungi flugflotans þar í landi samkvæmt frétt Computer World. Það er fyrirtækið Gogo sem stendur fyrir tengingunni við vélarnar og borga farþegarnir um fimm dollara fyrir þjónustuna í styttri flugum en tæpa 13 dollara (um 1.450 krónur) ef ferðalagið tekur meira en þrjá tíma. Flest af stærstu flugfélögunum vestanhafs bjóða upp á þessa þjónustu en þeirra stórtækast er Virgin America því hún er í boði í öllum flugum fyrirtækisins.

Frítt net fyrir þá með dýru farmiðana

Í Evrópu hefur þróunin ekki verið eins hröð. Þó dróg til tíðinda fyrr í þessum mánuði þegar SAS tilkynnti að hluti af vélum félagsins yrði útbúinn þráðlausu neti í vor. Skandinavíska flugfélagið verður þar með fyrst til að bjóða upp á þjónustuna, jafnt í stuttum flugum innan Evrópu sem og í lengri ferðum milli heimsálfa, samkvæmt frétt Politiken. Þeir farþegar SAS sem kaupa dýrustu sætin munu ekkert borga fyrir þessa nýjung á meðan aðrir verða að greiða aukalega. Hið þýska Lufthansa hefur uppi svipuð áform og SAS þó tímasetningarnar séu ekki á hreinu.

Hér á Íslandi er ekki útlit fyrir að flugfélögin netvæðist á næstunni. Við hjá Icelandair fylgjumst grannt með þróuninni á þessu sviði og höfum gert um árabil. Tækninni við að tryggja öruggt netsamband yfir úthöfunum fleygir fram og búnaðurinn hefur verið að lækka í verði. Sú þróun mun örugglega halda áfram. Við skoðum líka vel hvað stóru flugfélögin eru að gera og hverjar óskir og kröfur viðskiptavina eru. En við höfum ekki tekið ákvörðun um að bjóða nettenginu í vélum okkar“, segir Guðjón Arngrímssson, upplýsingafulltrúi Icelandair. Hjá Iceland Express eru engar áætlanir uppi um að innleiða þessa þjónustu.

NÝJAR GREINAR: Spánn fyrir vínáhugafólk – Besta breska hótelið fyrir klink
TILBOÐ: Ódýrt hótel í Kaupmannahöfn 

Mynd: SAS
Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …