Samfélagsmiðlar

Rukka sextán þúsund fyrir aukatösku

Bookmark and Share

Það borgar sig að pakka öllum farangrinum ofan í eina tösku áður en haldið er í vesturátt með Delta flugfélaginu. Farþegarnir eru nefnilega krafðir um 50 evrur fyrir hverja aukatösku sem þeir taka með hvora leið.

Þann annan júní lendir fyrsta vél Delta flugfélagsins í Keflavík. Þá verða félögin þrjú sem halda uppi áætlunarflugi milli Íslands og New York. Reglur fyrirtækjanna varðandi farangur eru nokkuð mismunandi. Það kostar til að mynda rúmar sextán þúsund íslenskar að taka með sér eina aukatösku, fram og tilbaka, ef flogið er með Delta. Því samkvæmt reglum fyrirtækisins þá mega farþegar tékka inn eina tösku sér að kostnaðarlausu en borga 50 evrur (ca. 8100 krónur) fyrir hverja aukatösku hvora leið. Gjaldið er reyndar 55 evrur ef ekki hefur verið gengið frá greiðslunni á netinu sólarhring fyrir brottför.

LESTU LÍKA: 9 ráð til að létta farangurinn

Iceland Express rukkar farþegana einnig fyrir hverja innritaða tösku umfram þá einu sem er innifalin í fargjaldinu. Þar á bæ er gjaldið 3600 krónur fyrir hvern fluglegg, ef greitt er við bókun, en annars 4500 krónur á flugvellinum.

Hjá Icelandair má innrita tvær töskur án þess að greiða aukalega. Þriðja taskan kostar 11.500 krónur hvora leið. Hjá Icelandair og Delta er hámarksþyngdin 23 kíló en tuttugu hjá Iceland Express.

Öll félögin þrjú leyfa farþegum á almennu farrými að taka með sér eina tösku í handfarangur og persónulega hluti eins og yfirhafnir, varning úr fríhöfn og myndavélar.

TILBOÐ: Aloft í Harlem. Splunkunýtt hótel í New York

BÓKAÐU BÍLALEIGUBÍL Í ÚTLÖNDUM

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …