Samfélagsmiðlar

Aprílgabb Ryanair?

Farþegar Ryanair verða að borga aukalega fyrir öryggismyndbandið og boðið verður upp á barnlaus flug samkvæmt fréttum dagsins af írska flugfélaginu.

Fyrir tveimur árum síðan sögðust forsvarsmenn írska lággjaldaflugfélagsins Ryanair ætla að rukka farþegana fyrir afnot af klósettum um borð. Ekkert hefur orðið úr þeim áformum.

Í dag, 1. apríl, berast þær fréttir úr herbúðum félagsins að sérstakt gjald, sem nemur hundrað íslenskum krónum, verði lagt ofan á alla farmiða til að standa straum af gerð nýs öryggismyndbands. Talsmaður fyrirtækisins, Stephan McNamara, segir að félagið líti svo á að gerð öryggismyndbanda falli ekki undir flugþjónustu og því eðlilegt að viðskiptavinirnir borgi sérstaklega fyrir viðbótarþjónustu sem þessa. Hann telur að með þessari nýju gjaldtöku muni farþegarnir fylgjast betur með myndbandinu en ella.

Þetta eru ekki einu lygilegu fréttirnar af Ryanair í dag. Því samkvæmt fréttatilkynningu dagsins ætlar það að bjóða uppá barnlaus flug frá og með haustinu. Ástæðan sé sú að kannanir hafi sýnt að ferðamenn séu tilbúnir til að borga hærra miðaverð fyrir sæti í vél þar sem engin börn eru.

Stjórnendur Ryanair eru vanir að vekja á sér athygli með óvenjulegum tilkynningum, bæði 1. apríl sem aðra daga.

 

NÝJAR GREINAR: Rukka sextán þúsund fyrir aukatösku
og Hótel heimamanna í Toronto
TILBOÐ: Berlín: Hótelíbúðir í Mitte hverfinu- 10% afsláttur fyrir lesendur Túrista

Mynd: Wikicommons

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …