Samfélagsmiðlar

Icelandair umsvifamikið í Kaupmannahöfn

Farþegum Icelandair til og frá Kaupmannahöfn fjölgaði um 24 þúsund á síðasta ári. Félagið hefur aukið markaðshlutdeild sína á flugleiðinni milli dönsku höfuðborgarinnar og Keflavíkur töluvert síðustu ár á kostnað Iceland Express.

Aðeins ellefu flugfélög flytja fleiri farþega til og frá Kaupmannahafnarflugvelli en Icelandair gerir. Aukningin á milli síðustu tveggja ára nemur tæplega tíund samkvæmt tölum danska ferðablaðsins Stand by yfir umsvifamestu fyrirtækin á stærsta flugvelli Danmerkur.

Á síðasta ári voru farþegar íslenska félagsins, á þessari flugleið, 273 þúsund talsins. Það jafngildir því að einn af hverjum hundrað farþegum sem fer um Kastrup er á vegum Icelandair. SAS er langstærsta félagið í Kaupmannahöfn því fjórir af hverjum tíu farþegum á flugvellinum eiga pantað far með því. Lággjaldaflugfélögin Norwegian og Cimber Sterling koma í næstu sætum. Alls eru fyrirtækin um sextíu talsins sem halda uppi millilandsflugi frá höfuðborg Danmerkur.

Sveiflur á heimamarkaði

Hátt í 380 þúsund manns ferðuðust milli Keflavíkur og Kaupmannahafnar á síðasta ári samkvæmt upplýsingum Túrista hjá danska flugvellinum. Þetta er aukning upp á rúmlega ellefu af hundraði frá árinu á undan. Sjötíu og tvö prósent farþeganna fóru með vélum Icelandair en afgangurinn með Iceland Express því fyrirtækin tvö sitja ein að þessari flugleið. Síðarnefnda félagið hefur því misst nokkuð af markaðshlutdeild sinni því hún var 35 til 40 prósent árið 2004 samkvæmt því sem segir í fimm ára gömlu erindi fyrirtækisins til íslenskra samkeppnisyfirvalda. Nýrri tölur um skiptinguna milli fyrirtækjanna á þessari flugleið eru ekki opinberar en samkeppnin á henni mun aukast í sumar með tilkomu WOW air.

TENGDAR GREINAR: Keflavík tíundi vinsælasti áfangastaðurinn frá Kaupmannahöfn –  Komuleyfi Icelandair í London mögulega virði 10 milljarða króna
NÝJAR GREINAR: 5 góð kaffihús í Kaupmannahöfn –  Dýrt að nota hraðbanka í útlöndum

Mynd: Cph.dk

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …