Samfélagsmiðlar

Stundvísitölur: Er biðin eftir Iceland Express á enda?

Ferðir Iceland Express eru nær undantekningarlaust á tíma eftir að fyrirtækið hóf samstarf við nýtt flugfélag og fækkaði áfangastöðum.

Síðustu sex vikur hefur aðeins þremur brottförum Iceland Express frá Keflavík seinkað. Komur til landsins eru líka langoftast á tíma. Þetta er mikil breyting frá síðasta sumri þegar vel innan við helmingur ferða fyrirtækisins hélt áætlun samkvæmt stundvísitölum Túrista.

Þá voru ferðir Iceland Express um hundrað og fimmtíu á viku en eru nú tæplega tuttugu. Það er því mikill munur á umsvifunum. Frá síðasta sumri hefur sú breyting átt sér stað að annað flugfélag sér nú um farþegaflutninga Iceland Express.

Brottfarir mun oftar á tíma

Hjá Icelandair er það áfram þannig að ferðir til útlanda eru nær alltaf á tíma en komur til landsins tefjast oftar. Á fyrrihluta þessa mánaðar komu sex af hverjum tíu vélum á tíma til Keflavíkur en 87 prósent fóru þaðan samkvæmt áætlun. Þetta er sama mynstur og verið hefur síðustu vikur hjá félaginu. Á fyrri helmingi þessa mánaðar voru ferðir Icelandair, til og frá landinu, um tíu sinnum fleiri en Iceland Express.

Í sumar mun Iceland Express bjóða upp á ferðir til átján flugvalla í Evrópu og þá kemur í ljós hvort ástandið síðasta sumar heyri sögunni til. En líkt og sjá má á töflunni hér að neðan þá þurfa farþegar fyrirtækisins ekkert að bíða þessar vikurnar.

Stundvísitölur Túrista, 1. til 15. mars (í sviga eru niðurstöður seinni hluta febrúar).

1. – 15. mar.Hlutfall brottfara á tímaMeðalseinkun brottfaraHlutfall koma á tíma
Meðalseinkun komaHlutfall ferða á tíma
Meðalbið alls
Icelandair87% (89%)4 mín (2 mín)61% (52%)8 mín (8 mín)74% (71%)6 mín (5 mín)
Iceland Express94% (95%)1 mín (1 mín)95% (63%)0 mín (5 mín)95% (80%)

0,5 mín (3 mín)

Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.

Fylgstu með Túrista á Facebook og þú gætir unnið gistingu á hóteli í Kaupmannahöfn. Smelltu hér.

NÝJAR GREINAR: Tjaldferð til Jótlands
TENGDAR GREINAR: Stundvísitölur seinni hluta febrúarIcelandair umsvifamikið í Kaupmannahöfn

Mynd: Túristi

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …