Samfélagsmiðlar

Ferðamálaráð veldur milliríkjadeilu

Ferðamálaráð Stokkhólms hefur í áraraðir markaðssett borgina sem höfuðborg Skandinavíu, nágrönnum sínum í Osló og Kaupmannahöfn til mikillar mæðu. Málið er nú komið inn á borð sænskra stjórnvalda.

Skandinavía er ekki land og getur þar af leiðandi ekki verið með höfuðborg. Þetta er alla vega mat forsvarsmanna norskra og danskra ferðamálafrömuða. Svíar eru hins vegar á annarri skoðun og telja sig í fullum rétti til að halda áfram að markaðssetja Stokkhólm sem höfuðborg svæðisins, eða Capital of Scandinavia. Máli sínu til stuðnings benda þeir á að Stokkhólmur sé meira miðsvæðis, hafi flesta íbúa og taki á móti fleiri ferðamönnum en nágrannaborgirnar.

Rugla ferðamenn í ríminu

Tor Sannerud, formaður ferðamálaráðs Oslóar, segir Svíana sýna hroka með þessari nafnbót og villi viljandi um fyrir túristum. Kollegi hans í Kaupmannahöfn segir þetta vera sænska markaðsbrellu sem engin innistæða sé fyrir. Hvorugur hefur þó kvartað við ferðamálaráð Stokkhólms vegna málsins.

Norðmaður nokkur hefur hins vegar kært notkun slagorðsins, Capital of Scandinavia, til sænskra stjórnvalda samkvæmt frétt Aftonbladet. Vill hann meina að Stokkhólmur sé alls ekki miðpunktur Skandinavíu. Gautaborg, Osló og Kaupmannahöfn liggja mun nærri miðjunni að hans mati og hann bendir einnig á að stærstu flugvellir svæðisins séu í nágrenni höfuðborga Danmerkur og Noregs en ekki í Stokkhólmi.

Ekki er vitað hvenær von er á úrskurði sænskra stjórnvalda í þessari nágrannadeilu.

NÝJAR GREINAR: Ferðaminningar Teits Þorkelssonar
TENGDAR GREINAR: Vegvísir StokkhólmurHádegismatur fyrir séð sælkera í Stokkhólmi

Mynd: Bengt H. Malmqvist © Premium Rockshot

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …