Samfélagsmiðlar

Gera Bandaríkjamenn strangari kröfur hér á landi?

Flugmálastjórn ætlar að láta kanna af hverju eftirlit með skóm flugfarþega er strangara hér á landi en í Evrópu og vestanhafs. Þetta er niðurstaðan eftir frétt Túrista um tilslakanir á bandarískum reglum. Innanríkisráðuneytið, Flugmálastjórn og Isavia þekktu ekki til breytinganna vestanhafs sem hafa verið í gildi í nærri því eitt ár.

Allir farþegar sem fljúga frá Keflavíkurflugvelli þurfa að fara úr skóm í vopnaleitinni. Er þetta gert til að mæta kröfum bandarískra yfirvalda. Eftirlit með skóbúnaði er ekki eins strangt á stærstu flugvöllum Evrópu né í nágrannalöndunum samkvæmt könnun Túrista sl. haust. Í vetur hafa farþegar í Bandaríkjunum, sem eru yngri en tólf ára, ekki þurft að fara úr skóm og á nokkrum þarlendum flugvöllum gildir það sama um þá sem eru eldri en 75 ára.

Túristi fjallaði um þessar tilslakanir Samgönguöryggisstofnunnar Bandaríkjanna, TSA, í síðustu viku. Þar var haft eftir talsmanni Isavia, fyrirtækisins sem rekur Keflavíkurflugvöll, að honum væri ekki kunnugt um þessar breytingar.

Frá Innanríkisráðuneytinu og Flugmálastjórn bárust svipuð svör við fyrirspurn Túrista um hvernig stæði á því að reglurnar hér á landi væru strangari en í Evrópu og nú vestanhafs. Í svörunum segir einnig að á Kaupmannahafnarflugvelli þurfi allir farþegar á leið til Bandaríkjanna að fara úr skóm. Fjölmiðlafulltrúi danska flugvallarins hefur staðfest við Túrista að svo er ekki.

Ætla að óska skýringa í Bandaríkjunum

Nú ætlar hins vegar Flugmálastjórn að leita eftir upplýsingum frá Samgönguöryggisstofnun Bandaríkjanna, TSA, um hvernig standi á að því að gerðar eru strangari kröfur um skimun á skóm hjá farþegum á Keflavíkurflugvelli en víðast annars staðar. Í nýju svari Flugmálastjórnar til Túrista segir meðal annars: „TSA í Bandaríkjunum hefur ekki tilkynnt Flugmálastjórn Íslands um tilslakanir á kröfum um skimun. Í ljósi upplýsinga á heimasíðu TSA um tilslakanir á skimun farþega undir 12 ára aldri og yfir 75 ára sem og fullyrðingum um að farþegar, sem um Kastrup flugvöll fara til Bandaríkjanna, þurfi ekki að sæta skimun á skófatnaði sérstaklega, mun Flugmálastjórn Íslands óska skýringa frá TSA enda telur stofnunin mikilvægt að farþegum sé ekki mismunað né íþyngt umfram kröfur.“

Flugmálastjórn og Innanríkisráðuneytið ekki sammála

Samkæmt þessu svari hefur Flugmálastjórn ekki áður verið ljóst að farþegar á evrópskum flugvöllum þurfa ekki alltaf að láta skanna skó þegar flogið er til Bandaríkjanna. Það er einnig athyglisvert í þessu svari Flugmálastjórnar að stofnunin telur eftirlitið á Keflavíkurflugvelli í dag vera íþyngjandi fyrir þá sem fara þar um. Innanríkisráðuneytið er á öndverðum meiði því í svari þess til Túrista sl. haust segir, „…er það mat ráðuneytisins að sú leið sem valin hefur verið við skoðun á skófatnaði sé á engan hátt íþyngjandi fyrir flugfarþega…“.

Fylgstu með Túrista á Facebook

TENGDAR GREINAR: Bandaríkjamenn slaka á eftirliti en Íslendingar ekki„Takið af ykkur skóna“ – en bara í Leifsstöð

Mynd: Icelandair

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …