Samfélagsmiðlar

Vanmetnustu borgirnar

Glasgow og Bergen eru meðal borga sem ferðamenn ættu að veita meiri athygli samkvæmt úttekt CNN.

Höfuðborgir hafa alla jafna upp á meira að bjóða en þær minni og þangað halda því flestir túristar. Menningin og mannlífið blómstrar þó víðar og ferðaskríbentar CNN hafa tekið saman lista yfir þær borgir sem þeir telja að of fáir ferðamenn heimsæki.

Á honum er meðal annars að finna staði sem flogið er beint til héðan.

Listi CNN yfr vanmetnustu ferðamannaborgirnar:

Bergen í Noregi

Rigning er eitt af því fyrsta sem kemur upp í hugann þegar minnst er á þessa vinalegu borg við vesturströndina. Miðbærinn er frekar lítill en þar er þó gott úrval af kaffihúsum og veitingastöðum. Matarmarkaðurinn við höfnina er líka eitthvað sem borgaryfirvöld í Reykjavík ættu að reyna að herma eftir. Borgin er umkringd fjöllum sem henta vel til útivistar en einnig er hægt að komast á toppinn með lyftum og njóta útsýnisins.

Bergen er mikil tónlistarborg enda fæðingarstaður tónskáldsins Edvard Grieg og í seinni tíð hafa margir af þekktustu poppurum Norðmanna komið frá bænum þar úrkoma mælist 242 daga á ári.

Glasgow í Skotlandi

Þeir eru ófáir hér á landi sem hafa farið í verslunarleiðangur til þessarar skosku borgar. Það eru þó ekki bara búðirnar sem standa fyrir sínu því þar er auðvelt að gera sér glaðan dag enda gott úrval af klassískum knæpum og góðum tónleikastöðum. Og svo eru íbúarnir mjög vinalegir.

Queens í Bandaríkjunum

Það ríkir sérstaklega mikil fjölmenning í þessum hluta New York borgar. Þar búa rúmlega tvær milljónir manna sem eiga ættir að rekja til allra heimsins horna. Í Jackson Heights ríkir Bollywood stemming, í Flushing er næststærsti Kínamarkaðurinn og í Jamaica er það jazzinn sem dunar.

Hoi An í Víetnam

Í miðborg Hoi An eru saumastofur á jarðhæðum flestra húsa. Þar sitja klæðskerar og hamast við að sníða föt sem líkjast þeim sem kúnnarnir hafa beint á í Vogue og GQ. Ferðamenn geta notið þess að skoða þessa fallegu litlu borg á milli þess sem af þeim eru tekin mál og lokahönd er lögð á saumaskapinn.

Lissabon í Portúgal

Stærstu borgir Spánar njóta sennilega flestar, ef ekki allar, meiri vinsælda meðal ferðamanna en höfuðborg Portúgals gerir. Það er synd og skömm því enginn verður svikinn af heimsókn til bröttu borgarinnar. Fallegar byggingar raða sér þétt við stór torg, þröngar hliðargötur og upp eftir bröttum brekkum. Maturinn stendur líka örggulega undir væntingum sælkera.

Aðrar borgir á lista CNN eru Darwin í Ástralíu, San Juan í Púertó Ríkó, Isfahan í Íran, Calgary í Kanda og Durban í S-Afríku.

Fylgstu með Túrista á Facebook

NÝJAR GREINAR: Á nýjar slóðir með ódýru tengiflugiÁ heimavelli: Margrét í Kaupmannahöfn

Mynd: Túristi

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …