Samfélagsmiðlar

Grikkir reyna íslensku aðferðina

Sú neikvæða athygli sem Grikkir hafa fengið síðustu misseri hefur haft slæm áhrif á ferðaþjónustu landsins. Heimamenn reyna nú að snúa vörn í sókn líkt og íslenska ferðaþjónustan gerði fyrir tveimur árum.

Gærdagurinn fer í metabækur ferðaþjónustunnar hér á landi því aldrei áður hafa komið jafn margir ferðamenn til landsins á einum sólarhring. Fyrir tveimur árum áttum við hins vegar í vök að verjast í kjölfar gossins í Eyjafjallajökli. Grikkland á nú í samskonar vanda því komum ferðamanna þangað hefur fækkað mjög frá því að fréttir af efnahagsmálum landsins urðu daglegt brauð í heimspressunni. Eftirspurn eftir flugsætum frá Þýskalandi til Grikklands í sumar hefur til að mynda minnkað um þriðjung.

Ferðamálaráð Grikkja hefur af þessum sökum opnað heimasíðuna TrueGreece.org þar sem finna má viðtöl við heimamenn og ferðamenn sem hvetja fólk til að heimsækja landið í sumar. Þetta er álíka aðferð og notuð var í átakinu Inspired by Iceland.

50 þúsund krónur til Aþenu

Þeir Íslendingar sem vilja sýna Grikkjum stuðning sinn í verki og verja sumarfríinu þar geta fengið ódýr tengiflug frá Kaupmannahöfn og London. En tilboð á flugi héðan til þessara tveggja borga eru áberandi um þessar mundir. Samkvæmt lauslegri könnun Túrista þá er hægt að bóka farmiða til Aþenu frá Kaupmannahöfn og tilbaka með flugfélaginu Norwegian fyrir rúmar 26 þúsund krónur. Frá London kostar farið með easyJet um 36 þúsund. Farið frá Keflavík og til Aþenu þarf því ekki að kosta meira en rúmar fimmtíu þúsund krónur.

Hér má sjá meðmæli með Aþenu frá sænskum listamanni:

Fylgstu með Túrista á Facebook

TENGDAR GREINAR: Þýskir túristar kvarta undan GrikkjumFarið lækkar þegar nær dregur brottför
NÝJAR GREINAR: Borg í góðum tengslum við náttúruna

Mynd: keithusc/Creative Commons

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …