Samfélagsmiðlar

Bestu riddarar Evrópu berjast

Hér heima er efnt til víkingaleika þar sem uppáklæddir fullorðnir menn reyna að apa eftir fornum köppum. Á meginlandi Evrópu klæða sumir sig í riddarabúning um helgar og fara á bak með spjót og sverð. Í sumar gefst gott tækifæri til að fylgjast með þeim bestu í síðarnefnda hópnum.

Áhugafólk um lífið á miðöldum ætti að íhuga kaup á flugmiða til Jótlands í sumar. Við hið nýuppgerða virki, Spøttrup Borg, verður haldið miðaldamót í júlí og í tengslum við það fer fram Evrópumeistaramótið í riddarafimi. Sextán riddarar hafa unnið sér inn þátttökurétt á mótinu og munu þeir etja kappi á nýjum keppnisvelli við virkið dagana 23. til 27. júlí.

Meðal þess sem riddararnir eiga að gera er að höggva epli í spað, stinga löngu spjóti inn í hring og hoppa yfir alls kyns hindranir á hestunum sínum. Þetta er í fyrsta skipti sem Danir verða þess heiðurs aðnjótandi að hýsa mótið.

Uppáklæddir áhorfendur

Það verða ekki aðeins keppendur á riddaramótinu sem munu klæða sig upp í tilefni að miðaldamótinu við Spøttrup Borg. Móthaldarar búast nefnilega við að hundruðir manna muni mæta þangað í miðaldarbúningum. Á svæðinu verður til sölu alls kyns varningur og skotið verður úr fallbyssum. Það verður því líklega sjón að sjá fólkið sem kemur til að votta þessu tímabili virðingu sína á N-Jótlandi í lok júlí. Það er þó ekki skilyrði fyrir aðgöngu að miðaldamótinu að klæða sig upp. Ferðamenn geta því óhræddir kíkt við á Bispens markaðinn (sjá kort).

TENGDAR GREINAR: Fallegasta þorpið í Danmörku

Þessi grein er skrifuð í samvinnu við:

Myndir: Danmark Media Center og Spøttrup Borg

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …