Samfélagsmiðlar

Strangara eftirlit með farþegum Delta hér á landi

Allir farþegar bandaríska flugfélagsins Delta eru látnir fara úr skóm við vopnaleitina á Leifsstöð. Þeir sem fljúga með félaginu vestur um haf frá Evrópu þurfa sjaldan að fara í gegnum jafn ítarlega skoðun á skóm og gerð er hér.

„Við fylgjum þeim öryggisreglum sem eru í gildi á þeim flugvöllum sem við störfum á,“ segir m.a. í svari Delta fyrir fyrirspurn Túrista um hvort félagið geri kröfu um að skór allra farþega séu skimaðir fyrir brottför. En eins og áður hefur verið fjallað hér á síðunni þá þurfa allir farþegar á Keflavíkurflugvelli að fara úr skóm við vopnaleit. Öfugt við það sem gengur og gerist í Bandaríkjunum og í nágrannalöndunum.

Delta og Icelandair eru einu félögin sem halda úti áætlunarferðum milli Íslands og Bandaríkjanna. Talsmaður Flugmálastjórnar segir það vera flugrekendur og Isavia, rekstraraðili Keflavíkurflugvallar, sem gera viðeigandi ráðstafanir til að uppfylla kröfur Flugöryggisstofnunnar Bandaríkjanna. Af svari Delta að dæma þá hefur félagið ekkert með strangar reglur Keflavíkurflugvallar að gera.

Í svari Icelandair segir að það starfi samkvæmt öllum þeim regluverkum sem gilda fyrir áfangastaði félagsins. „Regluverk Bandaríkjanna leggur kröfur á hendur erlenda flugrekenda vegna flugs þangað. Icelandair verður að uppfylla allar slíkar kröfur og vinnur náið með hérlendum samstarfsaðilum eins og ISAVIA að því markmiði. Trúnaðarkvöð hvílir á útfærslu hinna ýmsu verklagsreglna í flugvernd,“ segir einnig í svarinu.

„…hliðin virtust pípa í tíma og ótíma“

Bandarískar reglur gera ráð fyrir handahófskenndri leit í skóbúnaði farþega á leið vestur um haf samkvæmt upplýsingum frá Isavia. Þar sem farþegar á leið til Bandaríkjanna fara í gegnum öryggishliðin á sama tíma og þeir sem eru á leið til meginlands Evrópu þá er eitt látið yfir alla ganga við öryggishliðin í Keflavík. Í svari innanríkisráðuneytisins við fyrirspurn Túrista, frá því í haust, segir; „…menn voru orðnir langþreyttir á þeim töfum sem orsökuðust af því að hliðin virtust pípa í tíma og ótíma. Jafnvel þótt ekki væri að finna neina aðra skýringu en þá að viðkomandi væri í skóm með málmfjöður/plötu í botninum eða reimakósa úr málmi“.

Íslenskir starfshættir vekja furðu

Það fæst því ekki úr því skorið hvort bandarískar reglur eru ástæðan fyrir ströngu eftirliti hér á landi eða öryggistækin í Leifsstöð. Yfirmaður öryggismála á einum stærsta flugvelli Evrópu telur þó fyrri ástæðuna ólíklega. Í samtali við Túrista segir hann að ef svo væri þá yrðu væntanlega aðrir evrópskir flugvellir líka að skima alla skó að beiðni Bandaríkjamanna. Reglurnar eru því líklega séríslenskar segir þessi ónafngreindi heimildamaður.

Farþegar Delta sem fljúga héðan til Bandaríkjanna hafa því allir þurft að fara úr skóm við vopnaleit en ekki þeir sem fljúga með félaginu frá stærstu flugvöllum Evrópu.

TENGDAR GREINAR: Skoðum skó betur en aðrirBandaríkjamenn slaka á eftirliti en Íslendingar ekki

Mynd: Túristi

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …