Samfélagsmiðlar

Lægstu fargjöldin þar sem farþegarnir hafa ekki val

Þú kemst til Edinborgar fyrir þrjátíu þúsund, Sankti Pétursborgar fyrir fimmtíu þúsund en farið til Varsjár kostar meira. Hér eru ódýrustu fargjöld sumarsins á átta flugleiðum þar sem aðeins eitt félag er um hituna.

Í sumar verður flogið héðan til þrjátíu borga í Evrópu. Í liðlega helmingi tilvika munu tveir eða fleiri sjá um flugið. Í síðustu viku birti Túristi ítarlega verðkönnun þar sem fundin voru ódýrustu fargjöldin frá Keflavík til sjö borga þar sem samkeppni ríkir um farþegana. Núna er röðin komin að sumaráfangastöðunum þar sem aðeins eitt félag er á markaðnum. Þegar niðurstöður þessara tveggja kannana eru bornar saman sést að þrátt fyrir einkasöluna eru verðin ekki endilega lægri þegar fleiri eru um hituna. Verðsamanburður á ólíkum áfangastöðum er hins vegar erfiður, kannski ómögulegur, en það vekur þó athygli að lægstu fargjöldin eru ekki alltaf þar sem fleiri sjá um ferðirnar. Þannig kostar minna til Brussel í júní en til Barcelona þrátt fyrir samkeppni um farþega á leið til Katalóníu. Sá sem ætlar til Sankti Pétursborgar hefur aðeins um eitt félag að velja en borgar samt minna en sá sem er á leið til Zurich og sá getur samt valið milli tveggja. Gautaborg er líka ódýrari en Hamborg en eingöngu Icelandair flýgur til V-Svíþjóðar á meðan þrjú félög fara til þeirrar þýsku.

Líkt og síðustu könnun voru fundnar ódýrustu ferðirnar, báðar leiðir, með brottför frá Íslandi í hverjum mánuði fyrir sig. Miðað er við að dvölin í útlöndum sé ein til tvær vikur. Heimferðin getur því verið í öðrum mánuði en brottförin t.d. ef ódýrasta ferðin út er í síðustu viku júnímánaðar og ódýrasta ferðin til Íslands er í fyrstu viku júlí.

Farangurs- og bókunargjöldum er bætt við farmiðaverðið (smelltu hér til að sjá yfirlit yfir aukagjöld félaganna) og gengi dagsins í dag (17. janúar) er notað til að reikna út verð erlendu félaganna.

Brussel

Fáar borgir koma eins oft fyrir umræðum á þingi eins og höfuðborg Belgíu. Þangað flýgur Icelandair frá sumarbyrjun og fram í lok október. Í júní kostar álíka mikið til Brussel og Parísar en til þeirrar síðarnefndu fljúga þrjú félög yfir aðalferðamannatímabilið. Farið til Brussel verður svo dýrara þegar á líður sumarið.

Icelandair
Jún42.550 kr.
Júl82.550 kr.
Ágú55.750 kr.

HÓTEL: Smelltu hér til að gera verðsamanburð á gistingu í Brussel

Edinborg

Síðustu sumur flaug Iceland Express til skosku borgarinnar en frá og með 21. mars ætlar easyJet að bjóða uppá ferðir þangað frá Keflavík. Þeir sem bóka núna komast fram og tilbaka fyrir um þrjátíu þúsund sem er með því allra lægsta sem finnst á ferðamarkaðnum í dag. Líka þegar litið er á flugleiðirnar þar sem samkeppni ríkir.

easyJet
Jún25.403 kr.
Júl30.037 kr.
Ágú29.187 kr.

 

 

HÓTEL: Sérkjör fyrir lesendur á gistingu í Edinborg

FRAMHALD Á NÆSTU SÍÐU: LÆGSTU VERÐIN TIL GAUTABORGAR, KÖLNAR, LYON, SANKTI PÉTURSBORGAR, VARSJÁR OG VÍNARBORGAR

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …