Samfélagsmiðlar

Ódýrara að bóka með stuttum fyrirvara nú en í fyrra

Ódýrasta farið til London eftir mánuð kostar tæpar 35 þúsund krónur sem er nokkru minna en í fyrra. Verðþróun á farmiðum í júlí er ekki eins hagstæð.

Það kostar minna að kaupa sér far til Kaupmannahafnar og London með stuttum fyrirvara í dag en á sama tíma fyrir ári síðan. Líkt og í fyrra er það Easy Jet sem er með lægstu fargjöldin til Lundúna. Icelandair er með lægra verð en Wow Air ef ferðinni er heitið til Kaupmannahafnar eftir fjórar vikur og farangur er tekinn með eins og sjá má á töflunni hér fyrir neðan.

Þróun fargjalda í viku 20 milli ára þegar bókað er með fjögurra vikna fyrirvara

13-19.maí 201314-20.maí 2012Breyting
London:
Easy Jet34.987 kr.38.921 kr.– 10,1%
Icelandair44.290 kr.47.330 kr.– 6,8%
Wow Air42.173 kr.Byrjaði í júní 2012x
Kaupmannahöfn:
Icelandair43.020 kr.47.230 kr.– 8,9%
Wow Air44.903 kr.Byrjaði í júní 2012x

Lægstu fargjöld til þessara tveggja borga í viku 28 (8.-14.júlí) hafa hins vegar hækkað á milli ára þegar bókað er tólf vikum fyrir brottför. Þann 19.apríl í fyrra kostaði farið með Iceland Express til Kaupmannahafnar í vikunni 9-15.júlí 34.558 krónur og 37.400 til London. Núna er það Icelandair sem býður best fyrir þá sem ætla til höfuðborgar Bretlands á þessum tíma en Wow Air er lægst ef ferðinni er heitið til Danmerkur.

Þróun fargjalda í viku 28 milli ára þegar bókað er með tólf vikna fyrirvara

8-14.júlí 20139-15.júlí 2012Breyting
London:
Easy Jet48.718 kr.45.894 kr.+ 6,2%
Icelandair43.210 kr.62.710 kr.– 31,1%
Wow Air45.173 kr.37.544 kr.+ 20,3%
Kaupmannahöfn:
Icelandair50.320 kr.47.030 kr.+ 7,0%
Wow Air37.903 kr.45.607 kr.– 16,9%

Icelandair ódýrast til Osló

Túristi hóf að gera mánaðarlegar kannanir á fargjöldum til Kaupmannahafnar og London fyrir meira en ári síðan. Nýlega var Osló bætt við en Icelandair, Norwegian og SAS fljúga þangað allt árið um kring. Það íslenska er ódýrasti kosturinn ef ferðinni er heitið til höfuðborgar Noregs eftir fjórar eða tólf vikur og miðinn er bókaður í dag.

13-19.maí 20138-14. júlí 2013
Icelandair38.090 kr.49.590 kr.
Norwegian40.719 kr.57.023 kr.
SAS48.115 kr.55.475 kr.


Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna í dag og 19. apríl 2012.

HÓTEL: Berðu saman verð á hótelum út um allan heim
NÝJAR GREINAR: Endurunnin vesturbær

Mynd: Visit London

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …