Undanfarna mánuði hafa nær allir komist úr landi á réttum tíma og engin breyting varð á því á fyrri hluta mánaðarins.
Þegar Túristi hóf að reikna út stundvísi í flugi til og frá landinu í júní árið 2011 var innan við helmingur brottfara frá Keflavíkurflugvelli á réttum tíma. Á stærstu flugvöllum Noregs, Danmerkur og Svíþjóðar fóru þá um níu af hverjum tíu ferðum samkvæmt áætlun. Í dag er staðan miklu betri hér á landi og jafnast á við það sem best þekkist meðal nágrannaþjóðanna. Síðustu tvær vikur seinkaði t.a.m. örfáum ferðum hjá þeim þremur félögum sem eru umsvifamest í flugi frá Keflavík eins og sjá má á töflunni hér fyrir neðan.
Stundvísitölur fyrri hluta apríl 2013
| 1.-15.apr. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
| Icelandair | 96% | 0,5 mín | 84% | 2 mín | 90% | 4 mín | 527 |
| WOW air | 97% | 2 mín | 91% | 1,5 mín | 94% | 1 mín | 67 |
| Easy Jet | 100% | 0 mín | 94% | 0,2 mín | 97% | 0,1 mín | 34 |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
HÓTEL: Gerðu verðsamanburð á gistingu og bókaðu besta kostinn
TILBOÐ: Ókeypis morgunmatur í Kaupmannahöfn
Mynd: Gilderic/Creative Commons
