Samfélagsmiðlar

Hér skaltu passa þig á vasaþjófum

vasathjofar

Því miður sitja óprúttnir einstaklingar oft um ferðamenn og við vissar aðstæður liggjum við vel við höggi.

Það setur óhjákvæmilega strik í reikninginn að vera rændur á ferðalagi. Jafnvel þó þjófurinn hafi aðeins náð litlum verðmætum. Óöryggið og vonbrigðin sem fórnarlambið finnur fyrir í framhaldinu eru mikil svo ekki sé minnst á fjárhagslega tjónið og þann tíma sem þarf að verja í að koma sér á réttan kjöl á ný.

Hér er listi yfir þá staði þar sem ferðalangar skulu vera sérstaklega vel á verði. Jafnvel þó ferðinni sé aðeins heitið til nágrannalandanna. Þjófarnir eru nefnilega víða.

Á kaffihúsi
Það er klassískt bragð hjá vasaþjófi að koma upp að hópi ferðamanna á kaffihúsi, þykjast vera viltur og leggja stórt kort yfir borðið og biðja fólk um að hjálpa sér að finna réttu leiðina. Á meðan fórnarlömbin reyna að hjálpa þeim áttavilta nappar hann símum og veskjum af borðinu undan kortinu eða vöðlar inn í kortið þegar hann tekur það tilbaka. Einnig er hætt við að töskur sem liggja á gólfi eða á bekk hverfi án þess að eigandinn taki eftir nokkru grunsamlegu.

Á flugvellinum

Rétt á meðan ferðamaðurinn stendur við afgreiðsluborð bílaleigunnar og gengur frá samningnum þá er farangurinn oft eftirlitslaus aftan við farþegann. Þá getur verið auðvelt að ná í töskuna og láta sig hverfa inn í mannfjöldann.

Á hótelinu
Innbrot á gististaði og íbúðir eru nokkuð algeng í sumum löndum. Það borgar sig því að setja það verðmætasta í öryggisbox sem eru langoftast í boði og kostar ekkert að nýta.

Á lestarstöð
Þú leggur farangurinn frá þér á meðan þú kaupir lestarmiða, t.d. í sjálfsala. Það getur tekið tíma þar sem þú kannt ekki á kerfið og ert því með hugann við verkefnið. 

Úti á götu
Vegfarandi hellir drykk á jakkann þinn og þykist vera alveg miður sín og hjálpar þér úr jakkanum. Hann þurrkar svo blettinn og tæmir vasana á meðan.

Vasar sem eru utan á buxum, t.d. hliðarvasar á skálmum eða jökkum eru ekki heppilegir fyrir verðmæti því þjófar komast auðveldlega ofan í þá. Sama gildir um hólf á bakpokum og hliðartöskum sem eigandinn sér ekki. Það borgar sig að hafa ekki of mikið á sér og stórt og þungt veski kann að vekja of mikla athygli. Þá er betra eða vera með reiðufé og kort í sitthvorum vasanum eða í innanklæðaveski. Sérstaklega ef það stendur til að vera á fjölförnum stöðum.

Við leigubíl
Þú leggur frá þér farangur við leigubílastöð en þá kemur þjófur hjólandi og tekur töskuna.

Fylgstu með Túrista á Facebook

HÓTEL: Gerðu verðsamanburð á hótelum og bókaðu hagstæðasta kostinn

Mynd: Flickr/Creative Commons

 

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …