Samfélagsmiðlar

Hóteltékk: Elotis Suites á Krít

Strandbæirnir í nágrenni við Chania á Krít eru flestir byggðir upp með ferðamenn í huga. Agia Marina er þar engin undantekning en þar stingur Elotis Suites í stúf.

Þau eru í stærri kantinum hótelin sem raða sér upp við sæbrautina við Agia Marina ströndina á Krít. Á milli gististaðanna eru svo veitingahús sem stíla inn á ferðamenn sem vilja síður framandi mat. Sólarlandastemningin er alls ráðandi á þessum slóðum.

Elotis Suite er lítið hótel við strandgötuna sem hentar vel pörum sem vilja þægilega gistingu á líflegum stað þaðan sem auðvelt er að fara í dagstúra um nærsveitir og heimsækja hinn huggulega bæ Chania. Útsendari Túrista gisti nýverið á hótelinu.

Herbergin

Elotis Suites er í tveggja hæða byggingu við strandgötuna. Herbergin eru aðeins tuttugu talsins og í garðinum er sundlaug, lítil busllaug og bar þar sem boðið er upp á lifandi músík á kvöldin.

Innréttingarnar eru nokkuð í anda þess sem fólk þekkir frá strandhótelum við Miðjarðarhafið. Lýsingin er hlýleg og í sumum herbergjum eru veggirnir klæddir með steinum. Rúmin eru þægileg og baðherbergin ágæt.

Staðsetningin

Það tekur um hálftíma að keyra með strætó frá Agia Marina og inn til Chania. Þá borg er nauðsynlegt að heimsækja þó ekki nema til að fá sér ljómandi góðan krítverskan mat og skoða gamla bæinn. Gatan sem hótelið stendur við er sneisafull af veitingastöðum og strandbúðum en matseðlanir samanstanda af útlenskum réttum og lítið er gert til að bjóða upp rétti eyjaskeggja. Í brekkunum upp frá strandgötunni eru þó að finna ágætis úrval af veitingastöðum sem leggja metnað í matargerðina og bjóða t.d. upp á nýveiddan fisk, grillað kjöt og góða grænmetisrétti og meðlæti.

Verðið

Ódýrustu herbergin á Elotis Suites kosta innan við tíu þúsund krónur (62 evrur) en verðið hækkar þegar líður á júlí.

Ferð.is og Heimsferðir bjóða upp á ferðir til Krítar í sumar og hjá báðum aðilum er hægt að kaupa flug eitt og sér.

Heimasíða Elotis Suites.

TENGDAR GREINAR: Krítverskar kræsingarGrikkland að hætti Egils

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …