Samfélagsmiðlar

Sumarflug Delta að hefjast

Líkt og síðustu tvö ár mun eitt stærsta flugfélag í heimi fljúga milli Keflavíkur og New York yfir sumarmánuðina. Ekkert verður þó úr áformum félagsins að bjóða upp á nettengingu í Íslandsfluginu.

Það flugu rúmlega tuttugu þúsund farþegar með Delta Airlines til og frá Íslandi síðasta sumar. Að jafnaði voru um níu af hverjum tíu sæti skipuð samkvæmt tilkynningu.

Þriðja júní hefst Íslandsflug Delta á ný og verður flogið allt að sex sinnum í viku yfir háannatímann en fjórum til fimm sinnum í viku í byrjun júní og í lok ágúst.

Eins og fram kom hér á síðunni í vetur þá gerðu forsvarsmenn félagsins ráð fyrir því að farþegar á leið frá Íslandi til Bandaríkjanna gætu tengst internetinu um borð. Úr því verður ekki staðfestir talskona félagsins í samtali við Túrista. Hún bendir þó á að stór hluti flugflota Delta sé útbúinn þráðlausu neti og daglega noti um 400 þúsund farþegar þessa þjónustu um borð í vélum félagsins þegar flogið er innan N-Ameríku.

Þrjú félög með net

Hingað til hefur Norwegian verið eina félagið sem býður upp á nettenginu í flugi frá Keflavík. SAS og Icelandair vinna hins vegar bæði að því að netvæða flugflota sína og því er útlit fyrir að þessi þjónusta verði algeng í millilandaflugi hér þegar líður á árið.

NÝJAR GREINAR: Fimm ástæður til að heimsækja Washington

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …