Samfélagsmiðlar

Áhugi Íslendinga á heimilaskiptum vekur athygli

Það eru sífellt fleiri sem spara sér gistinguna í fríinu með því að skipta á íbúðum við einhvern sem býr í útlöndum. Sesselja Traustadóttir er umboðsmaður Intervac á Íslandi en samtökin hafa aðstoðað fólk við heimilaskipti í meira hálfa öld. Túristi forvitnaðist um samtökin hjá Sesselju.


Hafa vinsældir heimilaskipta breyst meðal Íslendinga síðustu ár?

Þegar krónan fór á hliðina 2008 varð algjört stopp í heimilaskiptum. En það stóð aðeins í skamma stund því fljótlega áttaði fólk sig á því að lífið héldi áfram og heimilaskipti eru frábær leið til að gera vel með það sem maður hefur. Fjölgun félagsmanna varð söguleg í kjölfarið og innan Intervac samtakanna hefur aukningin á Íslandi vakið mikla athygli.

Hvað kostar að vera á listanum?

Við bjóðum þrenns konar aðild. Í fyrsta lagi býðst prufuaðild, sem er ágætis tækifæri til þess að skoða í kringum sig á vefnum og setja inn eigin skráningu. Prufuaðildin er frí og er opin í tvær vikur. Með henni er ekki hægt að tengjast öðrum félagsmönnum Intervac. Síðan er í boði eins eða tveggja ára aðild. Árið er fljótt að líða í Intervac og ég mæli ævinlega með tveggja ára aðild enda er verðið fyrir hana mjög hagstætt. Árgjaldið er 65 evrur en tvö ár kosta 120 evrur.

Eru einhverjar þjóðir sem eru áhugasamari um íbúðaskipti við Íslendinga en aðrar?

Það eru ótrúlega jöfn skipti við flest lönd Evrópu; Frakkland, Spánn, Þýskaland, Danmörk, Bretland, Svíþjóð, Belgía og svo eru jafnvel Íslendingar að skipta sín á milli. Það er skemmtilegur kostur sem hefur aukist á liðnum árum enda félagsmenn dreifðir um allt land.

Hvað kemur fólki mest á óvart þegar það prófar íbúðaskipti í fyrsta skipti?

Þegar búið er að ákveða að reyna íbúðaskiptin, sem er smá þröskuldur fyrir flesta, þá kemur það líklega mest á óvart hversu frábær ferðamáti þetta er. Fyrir það fyrsta er þetta sérlega hollt fyrir mörg heimili – ýmislegt smálegt er loksins lagað og maður þarf aðeins að líta í kringum sig og gefa sjálfum sér klapp á bakið fyrir fallegt heimili. Síðan eru það skiptin sjálf. Við tökum á móti fólki með því að bjóða þeim upp á sitthvað smálegt við komuna. Ferskt brauð, ostur og drykkir í ískápnum. Fólk gengur frá samning sín á milli á vefnum okkar og kemur sér saman um lyklaskiptin og fleira. Oft er líka skipt á bílum. Það er ótrúlegt hversu þægilegt það er að fá að búa í hýbílum annars fólks. Og tilhugsunin um að einhver annar sé í þínu eigin húsnæði, gætir þess og verndar, er afar þakklát tilfinning á meðan maður er af bæ. Oft hefur mér dottið í hug hvort að ekki mætti lækka tryggingariðgjöld fólks vegna heimilaskipta, því betri þjófavörn fær maður ekki en góða skiptifélaga í heimilaskiptum.

Í síðustu viku fór í loftið nýr vefur hjá Intervac (sjá hér). Í ár eru samtökin 60 ára gömul og af því tilefni verður boðið upp á 10% afmælisafslátt af árgjaldi Intervac frá opnun nýja vefsins til 30. sept. nk. Nýi vefurinn býður fjölbreytta leitarkosti og er á fjölmörgum tungumálum, m.a. á íslensku. Á honum verður öll staðbundin leit aðgengilegri. Auk þess gefur hann notendum aukið rými fyrir eigin kynningar, með myndum og texta. Hann styður Iphone og Android kerfin.

TILBOÐ: 15% afsláttur á góðu hóteli í Kaupmannahöfn
BÍLALEIGA: Gerðu verðsamanburð á bílaleigubílum út um allan heim

Skjámynd: Intervac


Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …