Samfélagsmiðlar

Ennþá hægt að komast í ódýra helgarferð fyrir jól

Hér eru sex ferðir til Evrópu og ein til Ameríku fyrir þá sem vilja fara til útlanda fljótlega en halda farinu í lágmarki.

Þó stutt sé í aðventuna er ennþá hægt að setja saman helgarferðir til útlanda á næstunni sem kosta ekki svo mikið. Túristi skannaði heimasíður flugfélaganna og fann nokkur flug í kringum helgar sem kosta í mesta lagi rúmar fjörtíu þúsund krónur. Síðan nýttum við hótelleitarvél síðunnar til að finna ódýrustu þriggja stjörnu gistinguna í hverji borg fyrir sig og aðeins voru tekin með hótel sem eru miðsvæðis. Þeir sem eru til í að gista á lakari hótelum og í útjaðri geta því komist út fyrir ennþá minna.

Hafa skal í huga að farangursgjöld Norwegian, Easy Jet og Wow Air eru ekki tekin með í reikninginn.

Með því að smella á verðin hér fyrir neðan má fá nánari upplýsingar um gistinguna og fargjöldin. Hótelleitarvélin bíður m.a. upp á að leitað sé eftir staðsetningu, verði og einkunnum gesta.

 

Osló – 21. til 24. nóvember

Flug með Norwegian: 19.269 kr.
2ja manna herbergi á Best Westen Kampen: 58.087 kr.

Verð á mann: 48.659 krónur.

Stokkhólmur – 7. til 9. desember

Flug með Icelandair: 40.550 kr.
Hotel Tegnerlunden: 21.976 kr.

Verð á mann: 51.538 kr.

Bristol – 12. til 15.desember

Flug með Easy Jet: 33.394 kr.
Future Inn Bristol: 39.461 kr.

Verð á mann: 53.124 kr.

París – 6. til 9. desember

Flug með Wow Air: 40.800 kr.
Best Western Bercy: 36.505 kr.

Verð á mann: 59.052 kr.

Edinborg – 5. til 9. desember

Flug með Easy Jet: 37.487 kr.
Edinborg City Hotel: 53.154 kr.

Verð á mann: 64.064 kr.

London – 5. til 8. desember

Flug með Icelandair: 40.750 kr.
Gisting á Beverly Hotel: 53.926 kr.

Verð á mann: 67.713 kr.

Og þetta er líklega ódýrasta helgarferðin til Ameríku næstu vikur:

Washington – 4. til 8. desember

Flug með Icelandair: 73.700 kr.
Holiday Inn Washington: 77.801 kr.

Verð á mann: 112.600 kr.

NÝJAR GREINAR: Deilt um flugvélastæðin í Keflavík
TILBOÐ: 15% afsláttur á góðu hóteli í Kaupmannahöfn

Mynd: Henrik Trygg/Visit Stockholm

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …