Samfélagsmiðlar

Ódýrari hótel með símapöntun á síðustu stundu

Kjarkaðir túristar með snjallsíma í farangrinum geta sparað töluverðan pening með því að bóka gistinguna daginn sem haldið er út. Túristi hefur fylgst með tilboðunum sem nokkur ný hótelbókunarfyrirtæki bjóða símnotendum.

Sá sem lendir í hádeginu í dag í London, kveikir á snjallsímanum sínum og bókar hótel í gegnum app frá Hotel Tonight getur fengið vænan afslátt af gistingunni í nótt. Þannig kostar herbergið um 17 þúsund íslenskar á Myhotels Chelsea í kvöld ef bókað hjá Hotel Tonight en tvöfalt meira ef pantað er á heimasíðu þessa fjögurra stjörnu hótels.

Tilboðin eru ekki alltaf svona góð samkvæmt því sem athuganir Túrista hafa leitt í ljós. Vanalega er hægt að spara sér um fjórðung af gistiverðinu á hótelum í ódýrari kantinum og þeir sem vilja búa á fínni hótelum geta oft fengið þannig gistingu fyrir upphæð sem vanalega dugir aðeins fyrir hóteli í milliflokki. Hotel Tonight er bandarískt fyrirtæki og hefur vaxið hratt í ár og býður nú daglega upp á nokkur hóteltilboð í flestum borgum Bandaríkjanna og Kanada. Fyrirtækið er að færa út kvíarnar í Evrópu og í samtali við Túrista segir talskona þess að nú sé einblínt á að bæta við áfangastöðum og Íslandi þar á meðal.

Fleiri kostir í stöðunni

Þeir sem eru á ferðalagi um Evrópu og vilja láta reyna á tilboðin sama dag og haldið er út geta líka athugað úrvalið hjá Hot Hotels og Blink. Það fyrrnefnda er einnig með á sínum snærum hótel í látlausari kantinum og þeir sparsömustu geta þar fundið töluvert úrval af hótelum sem kostar minna en 10 þúsund krónur á nóttina.

Öll þessi þrjú forrit birta fyrst tilboðin milli klukkan 9 og 11 að staðartíma og í flestum tilvikum er hægt að bóka nokkurra daga gistingu. Afslátturinn er hins vegar hæstur fyrstu nóttina.

Þeir sem eru hins vegar ekki til í að taka sénsinn á því að allt gistirými sé uppbókað í borginni geta gert verðsamanburð á hótelum og bókað hagstæðasta kostinn hér.

TENGDAR GREINAR: Svona borgar þú miklu minna fyrir bílaleigubílinn –  Verðsveiflur á bílaleigum í Orlando

Myndir: HotelTonight

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …