Samfélagsmiðlar

Farmiðar lækka í verði

Fargjöld til London lækka en þrátt fyrir það er mun ódýrara að fljúga til höfuðborga frændþjóðanna en til þeirra bresku. Margt bendir til að verð á flugi fari lækkandi.

Sá sem bókar í dag flugmiða til London eftir fjórar vikur kemst þangað fyrir nokkru minna en sá sem var í sömu sporum fyrir nákvæmlega ári síðan. Núna kostar ódýrasta fargjaldið rúmar 49 þúsund krónur en var á nærri 56 þúsund fyrir ári. Eins og sjá má á töflunni hér fyrir neðan bjóða Easy Jet, Icelandair og Wow Air öll ódýrari fargjöld núna en á sama tíma í fyrra.

Þeir sem ætla til Kaupmannahafnar borga aðeins meira núna.

Síðastu tvær vikur gerði Túristi verðkannanir á fargjöldum til 11 áfangastaða í Evrópu í sumar og í nær öllum tilvikum voru verðin lægri núna en þau voru á síðasta ári (sjá hér og hér). Það bendir því margt til þess að fargjöld fari lækkandi í takt við aukið framboð á flugi. En flugferðum til Lundúna hefur t.a.m. fjölgað hratt síðustu 2 ár og það hefur áhrif á verðið. Samt sem áður er ódýrara að fljúga til höfuðborga Noregs og Danmerkur en til London.

Ódýrast um páskana.

Þeir sem ætla út í páskavikunni en hafa ekki bókað far borga minna fyrir flugmiða til Oslóar og Kaupmannahafnar en til London. Athygli vekur að nánast enginn munur er á ódýrasta fargjaldi Easy Jet, Icelandair og Wow Air til London um miðjan apríl (sjá töflu neðst á síðunni).

Lægsta farið, báðar leiðir, til London í viku 8 (17.-23. febrúar) ef bókað 4 vikum fyrir brottför

 20142013Verðbreyting
easyJet65.136 kr.71.344 kr.-8,7%
Icelandair51.190 kr.62.260 kr.-17,8%
WOW air49.424 kr.55.825 kr.-11,5%

 

 

 

 

Lægsta farið, báðar leiðir, til Kaupmannahafnar í viku 8 (17.-23. febrúar) ef bókað 4 vikum fyrir brottför

 2014
2013Verðbreyting
Icelandair38.000 kr.39.320 kr.-3,4%
WOW air34.301 kr.32.560 kr.+5,4%

 

 

 

Lægsta farið, báðar leiðir, til Oslóar í viku 8 (17.-23. febrúar) ef bókað 4 vikum fyrir brottför (Osló var ekki með í könnuninni fyrir árið síðan).

 2014
Icelandair33.250 kr.
Norwegian37.948 kr.
SAS37.246 kr.

 

 

Svona hefur lægsta fargjaldið í viku 16 (14.-20.apríl) þróast milli ára:

Kaupmannahöfn20142013%Osló20142013%London20142013%
Icelandair36.70039.320-6,7%Icelandair33.25038.503 kr.-13,6%easyJet40.53731.576+28,4%
WOW air34.30137.560-8,7%Norwegian28.57839.503 kr.-27,7%Icelandair40.63040.760-0,3%
    SAS37.24630.196 kr.+23,4%WOW air40.42439.835+1,5%

Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar og því stundum úr fáum flugum að velja, sérstaklega hjá easyJet. Farangurs- og kreditkortagjöld eru tekin með í reikninginn.

VINSÆLT: Er ódýrara að leigja bíl með 3ja vikna eða 3ja mánaða fyrirvara?
TILBOÐ: 15 prósent afsláttur á góðu hóteli í Kaupmannahöfn3ja nóttin frí í Edinborg

Mynd:Terje Borud/VisitNorway.com

 

 

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …