Samfélagsmiðlar

Ódýrari Rússlandsreisur

Þó stutt sé í aðal ferðamannatímann er ennþá hægt að velja úr mörgum ódýrum ferðum til Sankti Pétursborgar í sumar. Óvissuástandið í landinu hjálpar ekki segir talsmaður Icelandair.

Í byrjun þessa árs kostaði ódýrasta ferðin til Sankti Pétursborgar í ágúst rúmar fimmtíu þúsund krónur samkvæmt verðkönnun Túrista. Núna er hins vegar fjöldi brottfara Icelandair til borgarinnar á rúmar tuttugu þúsund krónur og farið, báðar leiðir, í mörgum tilvikum á 40.830 kr. Til samanburðar er varla hægt að finna sumarfargjöld til Spánar, Ítalíu og Sviss á undir fimmtíu þúsund krónur. Aðspurður um hvort þessi lágu verð séu til marks um minnkandi eftirspurn eftur ferðum til Rússlands segir Guðjón Arngrímsson, upplýsingafulltrúi Icelandair, það vera alveg ljóst að óvissuástand, eins og það sem ríkir í málefnum Rússlands og Úkraínu, hjálpi almennt ekki í sölu- og markaðsstarfi.

Rúblan hrynur

Fyrir ári síðan þurftu íslenskir túristar í Rússlandi að margfalda verðin þar með rúmlega fjórum til að vita hvað hlutirnir kostuðu í íslenskum krónum. Í dag hefur rússneska rúblan hins vegar lækkað um nærri fjórðung frá því í fyrra í samanburði við íslensku krónuna.

En á sama tíma og það verður ódýrara fyrir Íslendinga að heimsækja Rússland þá kostar það heimamenn meira að dvelja í útlöndum. Í fyrra komu um sjö þúsund rússneskir ferðamenn hingað til lands og fjölgaði þeim um nærri helming milli ára. Það er hlutfallslega meiri aukning en frá nokkru öðru landi samkvæmt talningu Ferðamálastofu. Icelandair hóf beint flug til Sankti Pétursborgar í byrjun síðasta sumars og var það í fyrsta skipti sem boðið var upp á áætlunarferðir héðan til Rússlands.

Rússar virðast því hafa tekið þeim möguleika fagnandi að geta flogið beint hingað til lands. En ef eftirspurn eftir utanlandsferðum minnkar í Rússlandi þá hefur það áhrif á verð á flugi til og frá landinu líkt og virðist vera raunin með fargjöld Icelandair til Sankti Pétursborg í sumar.

Engar ferðaviðvaranir

Á heimasíðum utanríkisráðuneyta nágrannalandanna eru daglega uppferðar ábendingar um þau svæði og lönd sem ekki er ráðlegt að ferðast um. Ástandið á Krímskaga hefur ekki orðið til þess að ráðleggingum varðandi ferðalög til vesturhluta Rússlands hafi verið breytt samkvæmt lauslegri athugun Túrista.

TENGDAR GREINAR: Skyldustoppin í Sankti PétursborgLent á nýjum stað í Sankti Pétursborg

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …