Samfélagsmiðlar

Sumarfargjöldin sveiflast upp og niður

Þú getur ekki lengur fundið hræbillegt flug til Alicante eða Barcelona í sumar en ef ferðinni er heitið til Hamborgar eða Zurich þá gæti verið ódýrara að bóka ferðina þangað núna en það var í byrjun árs.

Á sumrin bætist fjöldi áfangastaða við leiðakerfi Keflavíkurflugvallar og í heildina verður flogið til 48 borga yfir aðalferðamannatímann. Til nokkurra þeirra er samkeppni um farþegana og í byrjun árs kannaði Túristi verðmuninn á milli þeirra félaga sem fljúga til Alicante, Barcelona, Hamborgar, Mílanó og Zurich.

Með sömu aðferð höfum við nú kannað verðin á nýjan leik og þá kemur í ljós að fargjöldin hafa sumstaðar hækkað töluvert, annars staðar er farmiðinn ódýrari og svo hefur hann líka staðið í stað. Hafa skal í huga að úrvalið af ódýrum flugum hefur minnkað frá því í janúar en þeir sem eru sveigjanlegir geta ennþá fundið töluvert af ódýrum flugmiðum eins og sjá má hér fyrir neðan.

Í könnunum eru fundnar ódýrustu ferðirnar, báðar leiðir, með brottför í hverjum sumarmánuði fyrir sig. Miðað er við að dvölin í útlöndum sé ein til tvær vikur. Heimferðin getur því verið í öðrum mánuði en brottförin t.d. ef ódýrasta ferðin út er í síðustu viku júnímánaðar og ódýrasta ferðin til Íslands er í fyrstu viku júlí.

Farangurs- og bókunargjöldum er bætt við farmiðaverðið þegar við á og gengi dagsins í dag er notað til að reikna út verð erlendu félaganna. Kannanirnar voru gerðar 8. janúar og 12.mars.

Alicante – Primera Air fer upp að hlið Wow Air

Í ársbyrjun kostuðu ódýrustu sætin hjá Primera Air til Alicante á bilinu 33 til 41 þúsund krónur. Það var um helmingi ódýrara en Wow Air bauð. Fargjöld þess síðarnefnda hafa hins vegar staðið í stað á meðan ódýrustu sætin hjá Primera Air eru uppseld. Í dag er því lítill munur á félögunum tveimur.

Primera Air
WOW air
Jún61.409 kr.64.292 kr.
Júl62.409 kr.64.292 kr.
Ágú49.609 kr.54.292 kr.

HÓTEL: Smelltu hér til að gera verðsamanburð á gistingu í Alicante

Barcelona – Spánverjarnir bjóða ennþá betur

Spænska lággjaldaflugfélagið Vueling flýgur mun oftar milli Keflavíkur og Barcelona í sumar en íslensku félögin tvö. Fargjöld Vueling voru um fimmtungi ódýrari en það lægsta sem fannst hjá Icelandair og Wow Air í byrjun árs. Núna hafa verðin hjá Icelandair og spænska félaginu hækkað töluvert á meðan þau hafa lítið breyst hjá Wow Air.

IcelandairVuelingWOW air
Jún73.080 kr.52.055 kr.61.561 kr.
Júl80.980 kr.52.055 kr.57.561 kr.
Ágú68.380 kr.53.614 kr.53.571 kr.

 

 

HÓTEL: Smelltu hér til að gera verðsamanburð á gistingu í Barcelona

Hamborg – Ódýrt í júní

Það er ennþá hægt að fljúga til næst fjölmennustu borgar Þýskalands í byrjun sumars fyrir undir 32 þúsund krónur. Ódýrustu fargjöld þýsku félaganna Airberlin og German Wings í júli hafa lækkað um nærri 20 prósent frá í ársbyrjun og verðin hjá Icelandair í júní og ágúst hafa staðið í stað en hækkað í júlí.

AirberlinGerman WingsIcelandair
Jún32.525 kr.31.740 kr.41.010 kr.
Júl35.304 kr.41.020 kr.54.201 kr.
Ágú38.267 kr.44.139 kr.41.010 kr.

 

 

HÓTEL: Smelltu hér til að gera verðsamanburð á gistingu í Hamborg

Mílanó – Hækka og lækka á víxl

Í byrjun janúar fundust lægstu fargjöld sumarsins til Mílanó hjá Wow Air í öllum tilvikum. Núna hefur hins vegar ódýrasta farið hjá Icelandair í ágúst lækkað um 17 þúsund krónur.

IcelandairWOW air
Jún60.150 kr.42.825 kr.
Júl63.550 kr.56.645 kr.
Ágú54.050 kr.62.645 kr.

 

 

HÓTEL: Smelltu hér til að gera verðsamanburð á gistingu í Mílanó

Zurich – Ódýrara í júní og ágúst

Ódýrasta fargjald Wow Air til Zurich í júní er fjögur þúsund krónum lægra í dag en það var í byrjun árs. Hjá Icelandair nemur lækkunin þúsund krónum. Hjá báðum félögum er líka hægt að finna mun ódýrari fargjöld í ágúst en voru í boði í síðustu könnun Túrista. Wow Air hefur hækkað töluvert í júlí en hjá Icelandair stóð verðið í stað.

IcelandairWOW air
Jún51.850 kr.53.688 kr.
Júl59.250 kr.84.703 kr.
Ágú51.850 kr.61.688 kr.

 

 

HÓTEL: Smelltu hér til að gera verðsamanburð á gistingu í Zurich

Vinsælt: Svona borgar þú minna fyrir bílaleigubíl
TILBOÐ: 3ja nóttin frí í Edinborg fyrir lesendur Túrista

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …