Samfélagsmiðlar

Wow Air var aðeins undir meðaltalinu

Að jafnaði var sætanýting stærstu lággjaldaflugfélaga Evrópu 84 prósent á síðasta ári. Wow Air komst nálægt þessu hlutfalli á sínu öðru starfsári en var langt frá því á sínu fyrsta.

Síðasta ár var metár hjá lággjaldafélögunum í Evrópu og fluttu þau 216 milljónir farþega sem er 43 prósent af öllum þeim flugfarþegum sem ferðuðust milli evrópskra flugvalla í fyrra. Þetta kemur fram í nýrri samantekt frá ELFAA, samtökum tíu stærstu lággjaldaflugfélaga Evrópu.

Aldrei áður hefur farþegafjöldinn farið yfir tvö hundruð milljónir hjá aðildarfélögunum og að jafnaði seldust 84 prósent allra þeirra sæta sem voru í boði. Til samanburðar voru 81 prósent sætanna hjá Wow Air bókuð í fyrra samkvæmt tilkynningu frá félaginu.

Samkeppnin við Iceland Express erfið

Fyrsta áætlunarflug Wow Air var í lok maí 2012 og hafði félagið 178.096 sæti til sölu það ár en seldi 112.223. Sætanýtingin hefur því verið 63 prósent á fyrsta ári félagins. En samkvæmt greiningu IATA, alþjóðlegs félags flugfélaga, þá þurftu flugrekendur að ná 63,8 prósenta sætanýtingu til að standa undir fastakostnaði árið 2012. Forsvarsmenn Wow Air tóku Iceland Express yfir það sama ár og í kjölfarið hefur nýtingin batnað til muna og framboðið aukist.

Ryanair er langstærst

Farþegar írska flugfélagsins Ryanair voru rúmlega áttatíu milljónir í fyrra og um sextíu milljónir flugu með Easy Jet. Þessi tvö félög eru langstærst innan ELFAA en norska lággjaldafélagið Norwegian er í þriðja sæti með nærri 21 milljón farþega. En tvö síðarnefndu félögin fljúga hingað allt árið um kring en eins og Túristi hefur áður greint frá þá skoðuðu forsvarsmenn Ryanair flug til Keflavíkur og Akureyrar en ekkert varð úr þeim áformum.

Sjáðu hvert verður flogið frá Keflavík í sumar

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Svona borgar þú miklu minna fyrir bílaleigubíl


Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …